أحمد حسن وزينب

كتب: إبراهيم شرع الله

في أول تعليق من اليوتيوبر الشهير أحمد حسن، على الانتقادات التي وجهت له في الساعات القلية الماضية ، بعد ظهوره مع زوجته زينب، في أحد حمامات السباحة بالإمارات  فى دبي وبجانبه شقيقه، مما استفز الجمهور.

وتحدث حسن لمدة مايقرب من 15 دقيقة فى فيديو نشره على قناته الرسمية، بموقع “يوتيوب”، عن المشكلات التي واجهته والشتائم والإهانات، التي تلقاها عقب نشره صورة جريئة مع زوجته أثناء تقبيلها في حمام السباحة.

وقال حسن في الفيديو:” أحنا أسفين جدا، بنعتذر لكم، فوق ماتتخيلوا على أي حاجة احنا عملناها، أنتو شايفنها صح أو غلط، في الفترة دي احنا في حالة سيئة ، دلوقتي في أكبر مرحلة من مراحل الحالات النفسية”.

وأضاف: “ودا بسبب أنتقادات كتيرة جدا بنواجهها، من أول ما بدأنا بتنتقدونا، عملنا فيديوهات دينية بتنتقدونا، ترفيهية بنتقدونا، عائلية بنتقدوها، ليه دايمًا بتتقدونا؟؟، مش فاهم ليه حتى اللحظات الحلوة اللي في حياتنا بتنتقدونا، في الحلو والوحش”.

وتابع:”مبقناش عارفين، أنتو بتنتقدونا عشان بنعمل حاجات وحشة، ولا لمجرد الانتقاد مش أكتر؟؟، عايزين نفهم دا، في البداية لما حبينا بعض واتخطبنا، كنا زي اي اتنين مخطوبين بننزل صورنا، الناس كلها قعدت تتريق على الصور وعلينا، وقلب على تريقة على الأشخاص مش المحتوى”.

وأختتم:”أحنا تعبنا ياجماعة مش قادرين نكمل، مش هنزل صور تاني على السوشيال ميديا، مش هنظهر تاني، وعارف دي حاجة هتبسطكم، إفرحوا زغرطوا، للسنة الجاية، محدش هيشوف خلقتنا تاني”.

واستكمل: ” الموضوع وصل لـ إن الناس بتشتمنا بالأب والأم، وبالأهالي وشتيمة وقلة أدب، بتحصل في حقنا، أنا عايزكم في الكومنتات اكتبو مبروك انهم مش هيبقوا موجودين، إعملوا صور واتريقوا علينا، شكراً وأحنا أسفين على كل حاجة، خلاص وصلنا لحالة نفسية صعبة”.

يذكر أن اليوتيوبر أحمد حسن، أثار الجدل للمرة الثانية بعد ظهوره مع زوجته بدولة الإمارات، داخل أحد الفنادق في حمام السباحة ومع شقيقه ، لينشر صورة أخرى يُقبل فيها زوجته على الطريقة الأجنبية مما أستفز جمهود السوشيال ميديا.

اترك تعليق