الفنان محمد رمضان
كتب: مدحت سالم
أثارت الإعلامية  بسمة وهبة أزمة كبرى خلال الساعات الماضية، بعدما هاجمت الفنان محمد رمضان خلال برنامجها كل يوم  المذاع على شاشة on e” قائلة :« أجواء نمبر وان والأسد وعبده موته سيطرت على الفنان  وبدلا ما يراجع نفسه طلع يسخر من الناس والمجتمع كله».
وأوضحت وهبة قائلة، : “عيب أوى الفنان ميعرفشى بيعمل ايه .. واضح إن محمد رمضان فاهم المصريين غلط وبينسوا وده ما بيحصلش”.
وأضافت  “وهبة”،: “الناس العاقلة والمتحضرة خصوصًا لما يكونوا شخصيات عامة لما تحدث مشكلة لازم يكونوا قدوة لجمهورهم فى المعارك والتعامل مع الأزمات، وهذه هى ضريبة الشخصية العامة صاحبة الجمهور والمتابعين.. لو ليك حق خده باحترام والحوار، لكن موقف محمد رمضان فى أزمة طيار أشرف أبو اليسر، حاجة لا تليق أبدأ بلقب فنان وشخصية عامة”.
وتابعت :”رمضان بدل الهدوء زعق وبدل التحضر اتريق، وحول المشكلة لخناقة وكأنه عايش دور عبده موته وهيقفل الشارع وهينيم الناس من المغرب.. محمد رمضان بيقول على نفسه جدع وابن بلد ووعد الطيار علنًا بأنه سيساعده وسيحل المشكلة، وعمل بطل وشهم أمام الناس وتخيل إن الناس هتنسى، لكن ذلك لن يحدث”.

 

اترك تعليق