وجه عدد من نجوم الفن رسالة للنجم محمد صلاح لاعب كرة القدم، الأحد، وذلك عقب هزيمة نادي ليفربول الإنجليزي، أمام ريال مدريد الإسباني في دوري أبطال أوروبا.
نشر هنيدي صورة لـ محمد صلاح عبر حسابه الرسمي على موقع التواصل الاجتماعي «فيس بوك»، وعلق عليها قائلاً: "عارف لما بتبقى بتلعب بلاعب في البلاي ستشين وفجأة تلاقيك بتنافسه او اللاعب بعد ما اعتزل بيحلل اداءك في التلفزيون وبيوصفك بالافضل في منطقتك في العالم، عشان كدة بقى عايز أقول حاجة، بقالي فترة بشوف "بعض" الشباب اللي بيحاول يسخر او يقلل من صلاح، يمكن يكونوا مابيحبوش صلاح او بيشجعوا فرق منافسه، من حقك ماتحبش صلاح وحقك تحب فريق منافس وتشجعه".
واستكمل:" بس الفكرة ليه تقلل او تكره واحد قدر يعمل اللي ملايين كانوا بيشوفوه مستحيل، صلاح اللي كان بيسافر بالقطار كل يوم وينام في النادي على الأرض وبدون واسطة قدر يصنع نفسه من الصفر، لغاية لما وصل انه بقى ينافس على الأفضل في العالم، صلاح زينا وشبهنا، ماتولدش في بقه معلقه دهب، قدر يكون مثال لأي واحد بيتعب وشايف انه حلمه وهدفه مستحيل يتحقق".
وأضاف:" صلاح مثال لأي شخص مجتهد وبيمر بظروف صعبة وحياة صعبة مثال انك تقدر مش بس تكون الأفضل في بلدك، تكون الأفضل في العالم، الفكرة مش في الشخص، الفكرة في الفكرة نفسها، ان يكون عندنا شخص واشخاص طبعا في مجالات كتير تانيه زيه، قدروا يحققوا اللي انت واحنا كنا شايفينه مستحيل، فالحب والتقدير لصلاح، مش حب لشخص، حب لفكرة ونجاح، وهاردلك لصلاح".
بينما كتبت حنان مطاوع عبر حسابها الرسمي على موقع التواصل الاجتماعي «انستجرام»: "الحواديت والأساطير البطل مكنش بيكسب على طول، بس الأكيد أنه على طول بطل، شكرا يا صلاح".
وعلى الجانب الآخر، وجه الفنان محمد ثروت رسالة لـ صلاح عبر انستجرام قائلاً: "هارد لاك يا بطلنا.. كلنا وراك يا صلاح".
