مازح الرئيس عبد الفتاح السيسي الاعلامي شريف عامر، بعد استضافته الطفل أحمد تامر، حافظ القرآن الكريم في سن الـ5 سنوات ونصف، خلال مداخلته في برنامج «يحدث في مصر»، الذي يُعرض على شاشة «إم بي سي مصر».
وقال شريف عامر للرئيس السيسي: دي مش نماذج متعبة أهو يا سيادة الرئيس، ليرد السيسي ضاحكًا: لا.. دي نماذج عظيمة جدًا، تحياتي لابننا أحمد.
وأضاف السيسي: تحياتي لابننا أحمد، بسم الله ما شاء الله ولا قوة إلا بالله ربنا يا ابني يحفظك ويخليك لأهلك ويحميك من كل شر وسوء، برضة للمرة الثانية مكنش ينفع يعدي عليا أبدًا أشوف النموذج الجميل والرائع ده ومتكلمش.
وتابع الرئيس: اسمح لي أن أسجل تقديري أيضًا ليك يا أستاذ شريف على التنوع الكبير في التناول للبرنامج و القضايا اللي بيتم استدعائها ومناقشتها، وأيضًا اللي أنت بتجبها، كتر خيرك.
وأردف الرئيس السيسي: يا أحمد بسم الله ما شاء الله عليك، ربنا يحفظك ويكملك بخير ويحميك أنت وأسرتك، وتحية لوالدك ووالدتك، يا أحمد عارف أنت حافظ إيه، ده كلام ربنا سبحانه وتعالى أعز كلام وأفضل كلام وأكرم كلام، وأطيب كلام، البركة كلها معاك.