عمرو أديب
كتب: محمد عفيفى
عبر الإعلامى عمر أديب عن حزنه الشديد على هزيمة نادي الزمالك من إنبى  مساء اليوم الإثنين ، بهدفين مقابل هدف وحيد أمام أنبي.
وأضاف “أديب”، خلال برنامج “الحكاية” المذاع عبر فضائية “إم بي سي مصر”، مساء الإثنين، “عندي نكد غير طبيعي.. وفي نفس اليوم الأهلي عمل رباعية، الأهلي مبقاش يلعب غير بالأربعات والخماسات، مستطردًا: “وبيقولك مباراة الأهلي والزمالك متأجلة.. الحمد لله أنها إتأجلت”.
قال: “محمد عواد بقى يطلع لحد السنتر ويرجع تاني، ده مش حارس مرمى ده ظهير رابع، عواد باع أرضه يا ولاد، والناس الأهلاوية عمالين يقولوا بعد هدف محمد شريف بتاع أنبي شريف عمره ما بيضيع، طب أنا بقى عمري ما شوفت شريف بيلعب”.
وتابع: “يبدوا أن هذا الموسم وهذا العام موضوع الزمالك مش هيكون مهم أوي ، قتلوا الأمل من بدري ربنا يقطع أمالهم، أنا عيطت النهاردة، والأهلي نار يا حبيب نار  طب حاولوا تحافظوا حتى على المركز الثاني، ربنا يقتل أمالكم، عليه العوض ومنه العوض، طعم الحياة مر النهاردة، سنظل أوفياء”.

اترك تعليق