نهاد أبو القمصان تتقدم بشكوى فى الأمم المتحدة ضد جلسة حقوق الإنسان

أعلنت المحامية نهاد أبو القمصان، عضو المجلس القومي لحقوق الإنسان، أنها قدمت شكوى فى الأمم المتحدة، ضد جلسة "حقوق الإنسان والعدالة المناخية". وقالت نهاد أبو القمصان عبر حسابها الرسمي على فيس بوك: "قدمت شكوى للأمم المتحدة فى إدارة جلسة حقوق الإنسان والعدالة المناخية امس.. ودا مقطع فيديو بيوضح المتحدثة سناء سيف وهي بتشاور عليا قبل ما اتكلم.. وتحاول تمنعني من الكلام وواحد من المشاركين اخد الميكروفون حتي ما قبل ما اتكلم.. مقاطعة وشوشرة.. ورئيسة الجلسة لم تتدخل لحماية حقي ولا ممثلى منظمة العفو او الهيومن رايتس واتش ولا الاستاذ الحقوقى حسام بهجت، وطبعا لان الاستاذة سناء قالت قبل ما اتكلم دى حكومية موظفة فى المجلس فاضطريت اقدم نفسى واقول لها انى حقوقية من ٣٠ سنة ومن ٢٠ سنة كنت مكانك هنا لما زوجى اتسجن وكمية المقاطعة والشوشرة مخلتنيش اكمل رغم انى كنت هسالها ليه رفضو يتعاونو مع مجلس حقوق الانسان حتى بعد ما المجلس نقله لسجن تانى بناء على طلبهم ؟ وليه مش بترد على اتهامات موجهه لعلاء بارتكاب جزائم تحريض على العنف؟ ونها ضد النساء ؟ بتخلى التدخل للافراج عنه بيقابل بالفشل ففى ضرورة للرد ؟ لانى حاولت مرتين اتدخل وما نجحتش .. المشكلة ان بعض مدعى انهم بيدافعو عن حقوق الانسان شلل لما حد منهم ينتقد يقومو عليه ويقولو عيب ودولوجى والكلام الفارغ لكن حد منهم يشتموا الاحياء والاموات بالنسبة لهم عادى ومش عيب حد منهم يدخل مجلس حقوق الانسان يبقى مناضل زى احمد سيف الاب ما كان فى المجلس عصر الاخوان حد تانى فى المجلس يبقى حكومى مش العيب عند مين