قال الدكتور على جمعة، عضو هيئة كبار العلماء، بالأزهر الشريف، ومفتى الجمهورية السابق، فى رده على سؤال طفل عن أين مكان الجنة؟ "الكون الذى خلقه الله سبحانه وتعالى منه ما نراه، وهى الأرض التى نعيش عليها، وده اسمه المُلك، وده كل ما ندركه بحسنا المعتاد، وخارج النطاق ده موجود حاجات ربنا سبحانه وتعالى عن حاجة اسمها الجن والملائكة والعرش والجنة والنار، كل ده اسمه الملكوت، وده ما لا يدركه الإنسان بحسه المعتاد، يبقى الجنة فين فى الملكوت".
وتابع جمعة، خلال استضافته بحلقة برنامج "مع الناس"، المذاع على فضائية "الناس"، أمس الاثنين: "طبعا الملكوت ممكن يدرك بحاجة تانى خارج المعتاد وهم الأنبياء، زى ما شافوا الملائكة والجن، فلما حصل مع سيدنا موسى لما كلم ربنا، فخر صعقا، وكمان زى لما حصل مع سيدنا محمد فى المعراج، لذلك تجد فى السيرة أن سيدنا النبى شق صدره عشان يتحمل رحلة المعراج والوحى، وهو بشر مثلنا لكن يوحى إليه".