تعاقدت شركة «بيبسي كولا» مع النجم العالمي محمد صلاح والنجم الرياضي الكرواتي «ديان لوفرين» لاعب نادي «أوليمبيك ليون» الفرنسي لعمل إعلان للترويج لمنتجاتها.
وتركت الشركة المنتجة ل محمد صلاح حرية اختيار «اللوكيشين» أو المدينة اللي يصور إعلانه فيها.
وترك «مو صلاح» كل مدن العالم من شرقه لغربه واختار «الإسكندرية» عروس البحر الأبيض المتوسط دونا عن كل مدن وبلاد العالم.
وبهذه الطريقة وعن طريق الإعلان اللي شاهده الملايين حول العالم، في ظرف ساعات قليلة من طرحه، صلاح عمل ترويجا للسياحة في مصر وأظهر أهم معالم مدينة الإسكندرية التاريخية والسياحية، كما حرص على إظهار الأكلات المصرية الشعبية المصرية في الإعلان ( كبدة - سجق - حواوشي - كشري - درة مشوية).
وحرص كمان على نطق أسماء الأكلات باللغة المصرية في الإعلان المصنوع باللغة الإنجليزية ليشاهده العالم أجمع، علشان يعمل أروع دعاية للسياحة في مصر وللأكل المصري.
ومش بس كده ، ده بالإعلان العالمي بتاعه ده نسف كل روايات ومزاعم اللي بيسموا نفسهم «فوود بلوجرز» اللي البعض منهم كان بيروج بالعكس للسياحة في مصر عبر تصوير بعض السلبيات اللي قابلوها في رحلتهم.
صلاح بيثبت كل يوم وفي كل خطوة بيخطيها أنه مصـرى حتى النخاع وانه ابن «مصــر» بجد من غير ما يقول ولا كلمة ومن غير دوشة كتير ولا مزايدة.