«منتجين فنيين» يدشنون هشتاج «الفن المصري بيحتضر»
«منتجين فنيين» يدشنون هشتاج «الفن المصري بيحتضر»
كتب: أحمد حمدي
علمت دار المعارف من مصادر، أن عدد كبير من المنتجين الفنين و مديروا الإنتاج، إجتمعوا منذ يومين؛ لمناقشة أزمة الإنتاج التي يمر بها الوسط الفني هذا العام؛ الأمر الذي أدى إلى بطالة الآف من العاملين خلف الكاميرا و منهم المنتجين الفنيين، الذين وجدوا أنفسهم عاطلين منذ الموسم الرمضاني الماضي؛ فأصبحت نساءهم و أطفالهم بدون عائل، في ظل الظروف الأقتصادية الصعبة التي تمر بها البلاد.
و يشتكي و يستغيث كل من يعمل خلف الكاميرا من مخرجين و مصورين و منتجين و سيناريست، و ممثلين في بداية طريقهم، دون أي مساعدة من الدولة؛ للخروج من الأزمة؛ حيث ضجت صفحات التواصل الإجتماعي من أنينهم.
و بعد إجتماع المنتجين الفنيين و مديروا الإنتاج؛ تقرر تفعيل هشتاج «الفن المصري بيحتضر»، و كذلك تم الإتفاق على تنظيم زيارة رسمية إلى نقيب السينمائيين؛ للمطالبة بإجتماع الجمعية عمومية طارئة؛ لحل الأزمة قبل إنفجارها.
و قال أحد المنتجين الفنيين «بنحاول من خلال الهاشتاج، نرجع للفن الراقي المحترم اللي بدون إسفاف بدون تجريح بدون ظهور رجال الأمن اللي بيحمونا بطريقة غير لائقة، بدون ظهور الست المصرية القمر الجدعة بتشرب مخدرات و بتعمل حاجات غلط، لازم نظهرها زي ما هيا، اللى تحدت الدنيا كلها، اللى خدت قرار تواجه الحياه بمنتهي الجدعنة دى الست المصرية، بدون ظهور الأماكن العامة بشكل غير لائق، احنا بنحاول نساعد المنتجين يرجعوا يشتغلوا تانى عشان هما و الآف الناس اللى بيوتها مفتوحة ترجع تاني لانهم مش هيعرفوا يشتغلوا حاجة تانى غير دا هنساعدهم ازاى.
و طالب بتخفيض أجور النجوم التي أصبحت أرقام مستحيلة، و في نجوم و نجمات كبار موافقين جدا لتخفيض أجورهم دون المساس بأجر العامل العادي، إيجار لوكيشنات التصوير اللى بقيت فى السما دا مش هايحصل تانىي، إيجار المعدات، أصحابها موافقين يخفضوا عشان الدنيا تمشي و نشتغل آكتشاف نجوم جديدة من الشباب وعندنا مواهب مش عادية.
و تابع: مش ضد حد بعينة إحنا عاوزين بيوتنا تتفتح تاني و نشتغل ببساطة، احنا بشتغل فى السنة 4 شهور و باقي السنة بنحضر للشغل دا. الفن واجهة الشعوب و إحنا أهل الميديا المصريين اللي بدعوا الدراما العربية؛ عيب أوى أن المسلسلات التركي تتفوق علينا، و فى الأساس دى أفكار أحنا اللي بدعناها من زمان، رجعولنا الفن تاني.
منقول من كاملة وجيه ابو ذكرى
و كانت المخرجة «كاملة أبو ذكري» تحدثت عن أزمة الإنتاج قائلة: إلي فاكر إن المسلسل هو نجوم و مخرج و مؤلف، المسلسل الواحد بيشغل ٣٠٠ بني أدم، نجارين، سواقين، نقاشين، عمال نظافة، رجال إكسسوار، رجال الإضاءة، فنيين كاميرا، ماكيرات، كوافيرات، ترزية، شباب من مساعدين التصوير و الإخراج و الديكور و المونتاج و الإنتاج و الصوت، ستات و رجالة غلابة، و إلي بنسميهم الكومبارس دول موسم رمضان بالنسبه ليهم رزقهم السنوي؛ لإن إنتاجنا كان فوق الخمسين مسلسل في السنة
يتنقلوا من مسلسل لمسلسل و وربنا يرزقهم بأكل عيالهم و مصاريف الحياة الصعبة.
المسلسلات المصرية؛ صناعة كبيرة أكتر من ٢ مليون بني أدم بيأكلوا عيش منها، السنة دي الناس دي كلها هتقعد في البيت، تم إيقاف أغلب المسلسلات و الحقيقه ماعنديش معلومة أكيده إيه السبب، إلي عارفاه إن الناس دي كلها مش حتلاقي تأكل و الأسعار زادت و دخلهم توقف، لو حد فاهم ليه بيحصل كده يا ريت يفهمونا و يقولولنا إيه البديل علشان نعيش بعد ما السينما كمان قفلت أبوابها و الأسعار زادت بجنون، حد يفهمنا ليه حتقطعوا رزق ٢ مليون مواطن بيشتغلوا و يدفعوا ضرائب و عايشين من المهنه دي.
و يشهد الموسم الرمضاني القادم تقديم 15 مسلسل فقط، مقارنة ب 70 مسلسل في العام الماضي