قال المخرج خالد الحلفاوي، إن مسلسله الجديد الذي سيجري عرضه في رمضان 2022 «مكتوب عليا» هو من بطولة الفنان أكرم حسني وأيتن عامر وعمرو عبدالجليل وهنادي مهنى وإسماعيل فرغلي وأحمد طعيمة، « أكرم حسني الشغل معاه بيطمني وبحس أني مش لوحدي، والإخراج مهنه فيها وحده لأني اللي بقدر وبقرر واتحمل نتيجه ده، ولما بشتغل مع أكرم بحس أن فيه حد في كتفي».
وأضاف «الحلفاوي»، خلال استضافته ببرنامج «في المساء مع قصواء»، والذي تقدمه الإعلامية قصواء الخلالي، والمذاع على فضائية «CBC»، أنه وبسبب تجاربه السابقة لا يقوم بالتوقع تجاه الأفلام او المسلسلات التي يقوم بإخراجها، «رأيي أن أحنا بذلين مجهود والقصة تستاهل تتشاف وكل الناس اللي اشتغلت كانت بتشتغل بحب، واتمني أنه يظهر في العمل لأني هزعل لو مظهرش».
وتابع: «أنا اكتر فيلم عملته وبحبه هو كدبة كل يوم وكان عمرو يوسف ودينا الشربيني ومحمد ممدوح، ومحققش النجاح الجماهيري في السينما لأنهم مكنوش نجوم زي دلوقتي، ولما اتعرض على التلفزيون شوفت رد فعل بسطني وفكرني أني كنت صح أني أعمل العمل ده، وفرحت أول ما عملته».