سيمون: عايشة وحيدة بعد وفاة بابا ومش بحب النكد

كشفت الفنانة سيمون كواليس حياتها وذكرياتها مع عدد من أعمالها الفنية والصعوبات التى واجهتها بعد وفاة والدها .

وأضافت سيمون خلال لقاء بـ "برنامج معكم"، المذاع على شاشة قناة cbc، وتقدمه الإعلامية منى الشاذلى، أمس الجمعة، قائلة :" بعد ما صورت مسرحية لعبة الست مع الفنان محمد صبحى وشوفت نفسى بعد تسجيلها، وعرضها فى التليفزيون بقيت أضحك مع المسرحية كإنى مش أنا اللى فيها ".

وتابعت :" مش بحب النكد والزعل وبحاول ألاقى من أى حاجة الحاجة الحلوة بتاعتها، أزعل أوى لو حد متضايق قدامى، وبحاول أخرجه من الضيقة لو قدرت".

وأوضحت أنها تعيش حاليًا وحيدة فى مصر، إذ هاجر أخيها لكندا منذ وفاة والدهما سنة 1991.

وعن تفاصيل دخولها للوسط الفنى، قالت: " الوسط كان غريب عليا، بكل الناس اللى فيه، ومن حظى الكويس إنى اتقابلت فى بداية حياتى مع فاتن حمامة، كانت بتقولى حاجات إنسانية كتير ومكنتش ساعتها فاهماها إيه، كانت بتقولى لو حد قالك حاجة غلط مترديش وأمشى طوالى، كنت ساعتها بقول يعنى الناس هتقول إيه؟، وقالتلى أيضا ركزى فى اللى بتعمليه واستمرى".