كشفت الفنانة أنغام أسرار جديدة عن حياتها العائلية وعلاقتها مع ابنيها فى المنزل، قائلة إنهما لا يسمعان أغانيها بشكل كبير .
وتابعت خلال استضافتها ببرنامج "سهرانين" الذى يقدمه الفنان أمير كرارة على قناة "ON": " ولادى مش بيسمعونى كتير، بيسمعوا حاجات تانية، لكن باخد رأيهم لو حاجة نزلت جديدة، ولا تتعامل بشدة معهما ".
أضافت أنغام :" دى منظر واحدة تبقى شديدة؟ دول أطول منى بس صاحبتهم جدًا، و أولادى نقطة ضعفى فى الحياة" .
وأوضحت أن ابنها "عمر" يدرس فى الإعلام، بينما "عبدالرحمن" فى مدرسة ig وسيتخرج هذا العام، وينوى الدخول فى مجال الاقتصاد، والاتنين مش شبهى فى الصفات خالص ومختلفين عنى، بس ممكن عبدالرحمن شوية حاجات ".
وتابعت :" بحب السفر وشراء الأشياء وبحب أدلع نفسى، ولما بقعد فى البيت بسمع ناس غيرى أغلب الوقت، بسمع لنفسى لما بكون بجهز لحاجة جديدة أو منزلتش، بس أول لما تنزل بنساها خالص ".