تصدر اسم الفنان محمد منير ، أعلى المؤشرات على محرك البحث جوجل، وذلك بعد انتهائه و الشاب خالد من تسجيل أغنية جديدة، من المقرر طرحها خلال شهر رمضان الجارى، وتم الانتهاء من تصويرها على طريقة الفيديو كليب خلال زيارة الشاب خالد إلى مصر.
وجاءت فكرة الإعلان في شكل حوار بين الأجيال حول الأغاني، فظهر في البداية رجل مع ولد صغير يسمع أغنية من النوع الذي يجذب جيله، ليسأله “إنت فاهم حاجة من اللي بتسمعه”، فيرد عليه قائلا : “يعني انتو فاهمين حاجة من ديدي وشمندورة”، في إشارة إلى الأغنيتين الشهيرتين لخالد ومحمد منير.
وجاءت كلمات ال أغنية كالتالي:
ياما كنا زمان وياما هنكون
بنشوف الصح ونتغير
عمرنا عشناه 100 شكل ولون
كل كبير كان قبله صغير
كلنا ماشيين نفس السكة
بنقابل 100 فرصة جديدة
دي الدنيا في إيدك وبتكة
تقرب أي مسافة بعيدة.
وبعدها يغني محمد منير هذا المقطع:
جدد من نفسك واتقبل
اطمن وارتاح للموضة
قرب هتشوف المستقبل
موجود حواليك جوه الأوضة
الفرصة لا يمكن هتفوتنا
مفيش مسافات بتبعد حد
في وسط الدايرة حواديتنا
ولحظة بلحظة فاهمين بعض
ثم يغني منير وخالد معا هذا المقطع:
خلينا نحاول ونقرب
بدل الفرصة نحاول 100
بنشوف على قد ما بنقرب
في البعد الصورة ماهيش هي
مفتوحة السكة وبتوصل
مهما هيحصل إحنا سوا
واللي يتوه في التاني يسأل
كلمة في كلمة نوصل هوا