قال الفنان حاتم صلاح (نفادي في مسلسل الكبير)، كنت أعرف أحمد مكي وعملت معاه مسرحية "حزلقوم" واللي تم عرضها في السعودية ولما جينا نعرض في مصر حصلت الكورونا، وكاست حزلقوم كله عمل اوديشن واتوزعت الادوار على مسلسل الكبير اوي، جاء ذلك خلال مداخلة هاتفية لبرنامج اللمة تحلى على شعبي اف ام والحلقة من تقديم رشدي سيد .
و أضاف كنت عارف إن الناس مستنية الكبير اوي، لكن مكنتش عارف انا شخصيا هعمل ايه، و الكواليس كانت لطيفة والكرو بيضحك طول الوقت..
أما علاقتي بأستاذ احمد مكي عبارة عن ميمز على واتساب، كل ما أشوف حاجة بتضحك ابعتهاله وهو يبعتلي، و كنت بحاول أحافظ ومنطقش صعيدي في مسلسل فاتن امل حربي.. بعد تأثري بلهجة نفادي..
وعن باروكة نفادي فقال خلت الشخصية مختلفة خصوصا أنه عامل نفسه بيفهم وهو غلبان اوي.
واختتم قائلا فكرة مسلسل لايف شو جات من سنتين وقت الكورونا والحظر.. وابتدت تطور لغاية لما صورناه.. واتعرض على يوتيوب في 14 حلقة.