اعملى جلاش بطريقه سهله وبسيطه لأطفالك بطريقة حشو البيتزا خطوات متميزه وسريعه اليكم الطريقة خلال السطور التالية..
المكونات :
- لفة جلاش
- 1/2 كيلو لحم مفروم او اقل
- فلفل اصفر و احمر و اخضر
- حبة طماطم متوسطه
- جبنه موتزاريلا و اي جبن متاحه
- القليل من الزيتون المقطع
- بيضه
- كوب حليب
- 1/4 ملعقة فلفل اسود
- ملح حسب الرغبه
لتعصيج اللحمه المفرومه:
بصله متوسطة الحجم
- 1/2 ملعقه صغيره فلفل اسود
- 1/2 ملعقه صغيره خلطة بهارات كنور
- ملح حسب الرغبه
- ملعقة صلصه او طماطمايه مفرومه حسب الرغبه
طريقة التحضير:
- هنقطع البصله مكعبات صغيره و نحط اناء علي النار و نضع به القليل من الزيت او السمن و ننزل باللحمه المفرومه و نقلبها لحد ما يتغير لونها و نحط عليها الفلفل الاسود والبهارات و بعدين ننزل بالبصل و نقلبهم في بعض و نغطي عليهم و اول ما تقرب تستوي نضيف الصلصه او الطماطم و الملح لو حبينا نضيفهم
- نجيب صينيه ندهنها سمن و نبدأ نرص الجلاش في الصينيه و بين كل طبقه و التانيه ندهن سمن و لما نوصل لنص الكميه نحط الحشو اللي هو عباره عن اللحمه المفرومه و الفلف الاوان المقطع مكعبات و الطماطمايه المقطعه مكعبات و نرش الجبنه و نكمل باقي طبقات الجلاش
بعد ما ننتهي من كمية الجلاش نقطعه زي ما نحب و بعدين نضرب البيضه باللبن و الملح و الفلف كويس مع بعض و نسقي بيها الجلاش و يدخل فرن سخن مسبقا علي 180 و نسيبه لحد ما بونه يبدأ يحمر و اخر حاجه نشغل الشوايه علشان وشه يحمر شويه. و بالف هنا