انتهت الحلقة الـ21 من مسلسل الاختيار 3 بتسريب جديد، حيث كان يتحدث وزير الدفاع السيسي آنذاك مع محمد مرسي وخيرت الشاطر.
قال السيسي: "إحنا أولي الناس وأحرص الناس على إن ما يكونش فيه أبدًا لا إصابات ولا حالة عدم استقرار في مصر، لكن الوضع اللي على الأرض غير كده إن الواقع على الأرض بيستهدف ده، وإن معرفش يجيلك النهاردة في الميدان هيجيلك في حتة تانية، الانتخابات بكرة، بضرب حد بالنار ظابط أو عسكري، عشان يعمل حاجة تانية، يروح جاي علي الكنائس يا دكتور سعد، خلال الكام يوم الجايين فيه احتفالات بتاعة المسيحيين، سواء اللي قبل أو اللي بعد، قبل ديسمبر أو في 7 يناير عشان يعمل حاجة تالتة".
وأضاف:" ده موضوع مش محتاج بس جهد أقل من كده، لأ، ده محتاج جهد أمني وجهد منكم، ماهي مبادرة الإخوان لحل المسألة دي، ماهي مبادرة الإخوان لحل المسألة دي اللي احنا فيها، انتوا ليكوا مبادرة تعملوها لإن انتم قوة لكم مكانتكم على الأرض ولكم قدرتكم وكفاءتكم، ولكم تقلكم، اللي ميعملهاش يبقي هو بيتخلي عن المسئولية يقولك خلاص كده، إن روحت فيها يبقي ده الموضوع بتاعنا، إن حالة الفهم المتواجد عندنا عن الموقف وأسبابه دي مسئولية أمام ربنا مش أمام مصر بس، المواطن العادي في الشارع مايعرفش ده، المواطن العادي ما يعرفش يعمل حاجة مش فاهم، لكن انا فاهم وأقدر".