انتهت الحلقة الـ25 من مسلسل «الاختيار 3_القرار»، بتسريب لـ خيرت الشاطر وهو ينتقد الإعلام، و السيسي يوجه له رسالة حاسمة.
خلال خيرت الشاطر: "إنما النهاردة القنوات الفضائية الرئيسية مملوكة لعدد من رجال الأعمال، و حضرتك تعرف أكثر مني إن دول استفادوا من النظام السابق أكثر من أي حد، انا في قناعتي الشخصية إنهم ليسوا أصحاب في استقرار الأوضاع في البلد، وإنهم من مصلحتهم إن الأمور يعني تمشي في اتجاه الفوضي واتجاه عدم الاستقرار، لأن هم ممكن ملفاتهم تتفتح".
وأضاف: "فللأسف مع الانفتاح اللي حصل في المرحلة الأخيرة في الإعلام، الإعلام دة شغال، كان زمان بيبقي موجه من قبل بعض أجهزة الدولة زي أمن الدولة أو غيرها، أو من بعض أجهزة النظام دلوقتي موجه لمصلحة أصحابه بشكل مباشر في جزء كبير منه، ويمكن يكون البعض كمان مخترق عالميًا بشكل أو بآخر زي ما حضرتك عارف وبالتالي هم مولعين البلد دلوقتي إعلاميا".
ورد وزير الدفاع السيسي آنذاك: "بيقولك لا الإعلام الإسلامي مش كدة، الإعلام الإسلامي مش كدة ولا انا مش واخد بالي، الإعلام الإسلامي مش كدة يا باشمهندس من الكدب والتلفيق والفتنة، مش كده وهنظبطه دلوقتي، هو دة اللي كانت الناس مستنياه تشوفه من القوة، القادرة و الفاعلة اللي جت واللي محسوبة علي التيار، وأول مرة نشوفهم بقي".
واستكمل:" فاللي هيقولوه هنقبله، و عشان كدة قولتله ايه، لو سمحت ما تتعاملش بأدبيات وثقافة الماضي يا دكتور كتاتني، وشوفوا الناس عايزة منكم ايه، حقيقة عشان يدركوا وزنكم الحقيقي".