هاجم الفنان عمرو عبد العزيز منتقدي حفل زفاف الفنان محمد فراج والفنانة بسنت شوقي من خلال منشور عبر حسابه بموقع التواصل الاجتماعى "فيسبوك".
وكتب عمرو عبد العزيز: "على الناس المريضة اللي بتكتب كلام وحش شبه وشهم كده على فرح فراج وبسنت.. ليه يا جماعه الناس بتكتب كلام وحش.. لتقل خيرا أو لتصمت بدل ماتقولوا ربنا يسعدهم أو تتمنولهم الخير".
وأضاف عمرو عبد العزيز: "ليه بتقولوا كلام زي ده على ٢ في يوم فرحهم وتقولوا كلام يجرحهم .. تخيلوا كده لو يوم فرح ابنك أو أخوك أو بنتك وحد كتب كومنت زى اللى أنتوا كاتبينوا ده وأنتوا جيتوا بعد كده شوفتوه هيبقى إحساسكم إيه وقتها، مانجرحش الناس وندايق الناس لو سمحتوا أتمنوا الخير والفرحة للناس".
وتابع عمرو عبد العزيز: "واحد وواحدة فرحانين إن ربنا كرمهم واتجوزوا بعد تعب ومجهود سنين بجد الناس بقت وحشة قوى والخوف منهم بيزيد يوم بعد يوم".
واحتفل أمس الفنان محمد فراج والفنانة بسنت شوقي بحفل زفافهما وذلك بمنطقة سهل حشيش بحضور الأصدقاء والعائلة.
ووجه محمد فراج رسالة ل بسنت شوقى عبر et بالعربي: "أنا ممكن أتكلّم عليكي وقت طويل أوي، بس طبعاً مش هينفع أقول كل اللى جوايا دلوقتي، أهم حاجة قبل إني بحبك، إني بشكرك على صبرك وعلى قلبك اللي طاوع مشاعرك وإنه اتغلب على عقلك عشان نكمل مع بعض".
ومن ناحية أخرى، شاركت الفنانة رشا مهدى صورة جديدة من فرح الفنان محمد فراج والفنانة بسنت شوقى عبر حسابها بموقع تبادل الصور والفيديوهات "الانستجرام".
وظهرت بسنت شوقى بإطلالة جديدة مرتدية فستان ستان بسيط واعتمدت على تسريحة الشعر البسيطة .
انتشرت على مواقع التواصل الاجتماعي الصور الأولى من حفل زفاف الفنان محمد فراج والفنانة بسنت شوقي بسهل حشيش.
وكانت قد نشرت الفنانة بسنت شوقي صور التحضيرات الأولى لها قبل انطلاق حفل زفافها على الفنان محمد فراج بعد ساعات قليلة في سهل حشيش.