نشرت الإعلامية هبة الأباصيري، تعليقا عبر صفحتها الرسمية بموقع التواصل الاجتماعى "فيس بوك"، تكشف عن نشوب حريق فى منزلها بسبب خزين الثوم.
وقالت هبة الأباصيرى: "الحمد لله اللطيف الستار.. اتفاجئنا بمنظر حريق ونار طايرة ماسكة في شباك المطبخ والحائط من بره ومواسير المياه!!.. لا في أثر لعقب سيجارة اترمى ولا في أي حد أصلا دخل المكان ده، ولا في أي منفذ حتى لجيران يرموا في المكان ده أي حاجة ولا الجو حر نار للدرجة دي!!".
وأضافت هبة الأباصيري: ""والنار طالعة من جوة صندوق كرتون فيه خزين الثوم!! وهذه أول مرة في حياتي أصلاً أخزن توم!! الله يسامح الست "" اللي بتساعدني هي اللي أقنعتني أخزن توم (نفس الست الطيبة اللي قالتلي وأنا عندي كورونا "احطلك نعناع عالشاي ليه، ما خسارة طالما انتي كده كده مش هتستطعمي) أنا لسه فاكراهالك يا "ز" بس مسامحاكى.. اللهم لك الحمد يا لطيف يا ستار.. راضية جدا جدا جدا يا ربي"".
وعلى صعيد آخر أعلنت الصفحة الرسمية لبرنامج "الستات مايعرفوش يكدبوا" انضمام كل من الإعلامية هبة الأباصيري، وإيمان عز الدين للبرنامج.
كتبت الصفحة الرسمية:" "الستات بيعرفوا يعملوا كل حاجة إلا إنهم يكدبوا"".. انطلاقة جديدة لبرنامج #الستات مايعرفوش يكدبوا السبت الساعة 3 عصرًا على CBC ".
وكانت الإعلامية مفيدة شيحة، قد أعلنت رحيلها عن برنامج "الستات ميعرفوش يكدبوا بعد عشر سنوات.
وكتبت مفيدة شيحة عبر حسابها بالفيس بوك :" بعد ١٠ سنين من النجاح وداعا cbc وداعا الستات ميعرفوش يكدبوا وإلى اللقاء".