قال أحمد الأحمر، قائد فريق كرة اليد بنادى الزمالك، إن الزمالك استطاع التتويج بـ4 بطولات من 6 بطولات نافس عليها كوماندوز اليد.
وتابع "الأحمر"، فى تصريحات تليفزيونية قائلا :" لقاء السوبر الأفريقى أمام الأهلى بعيد عن أنه لقاء كرة يد، كنا زعلانين جدا لأننا خسرنا، وقعدنا بعد الماتش اتكلمنا إننا عندنا بطولة تانية ولازم نكسبها، إحنا مش جايين نخسر كل حاجة".
وأضاف : "سمعت أرقام غريبة فى مباراة السوبر أنى ضيعت ضربات جزائية كتير برغم إن المباراة مش مذاعة، ده طبيعى فى السوشيال ميديا آخد كل الآراء بس متأثرش عليا، اتكلم زى ما انت عايز بس مفيش كلام بيأثر على مهندس أو دكتور".
وتابع: " راض عن الموسم الذى قدمه فريق اليد، وإحنا اخدنا 4 بطولات من 6 وكنا متعاهدين إننا هنكسب كل حاجة بس 4 من 6 حاجه كويسة ومش بتحصل غير مع الفرق الكبيرة بس، مجهود غير طبيعى وسنة طويلة جدا، ويحيى الدرع أفضل لاعب فى مصر والنادى هيعمل احتفالية قريب للدرع ولينا".