وجهت الفنانة ريهام حجاج رسالة قاسية إلى منتقدي عروس كفر الدوار بعد الأزمة المثارة على مواقع التواصل الاجتماعي وتصدر الترند خلال الساعات الماضية
وقالت ريهام حجاج في منشور عبر حسابها على «فيس بوك»: "هو ليه الناس على السوشيال ميديا يستبيحون سيرة الناس ويسعوا لخراب البيوت؟.. عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي اللي ممكن يخرب بيتهم وتنشره على أنها بتهزئه وتحول فرحتهم لكابوس".
وأكدت «ممكن يكون في احتمال نص في المية أن مش قصدها أو دي طريقتها في الكلام وأكيد هو عارف وبيتجوزها وحاببها زي ما هي؟!». وتابعت: «تعرف ظروفهم منين؟ مواقفهم؟ عدوا بإيه سوى في الخطوبة!! إيه إللي خلاها تقول كدا اصلا!! دخليات الناس ماحدش يعرفها».
وأكملت: "حاتشيلوا ذنبهم والله دا إللي ربنا قال عليه في القرآن الكريم من يفرق بين المرء وزوجته..اتقوا الله». واختتمت: «افهموا الفرق بين حرية الرأي والأذية.. افهموا الفرق بين اللي ممكن نتكلم فيه واللي مالوش لازمة التدخل فيه من الأساس، ستحاسبوا أمام الله على كل دا".
يذكر ان ريهام حجاج قدمت مسلسل يوتيرن فى شهر رمضان المنقضي وشارك فيه العديد من الفنانين على رأسهم، توفيق عبد الحميد، عبير صبري، كريم قاسم، عبير منير، أيمن القيسوني، صفاء الطوخي