شارك نجم الجيل تامر حسنى جمهوره بمنشور جديد على صفحته الرسمية على موقع التواصل الاجتماعى لتبادل الصور والفيديوهات إنستجرام.
وكتب النجم تامر حسنى، قائلا: "كل فترة هعرفكوا معلومة جديدة يمكن محدش يعرفها عنى، أنا كل يوم قبل النوم عندى رحلة قراية ومعرفة جميلة جداً.. يمكن اول مره أعلن عن شيء بداخلى بالشكل دا، بس حسيت فجأة إن واجب عليا انقلكم أى شيء بيفيدنى عشان يفيدكوا معايا".
وأضاف تامر: "أتمنى من كل متابعينى الاهتمام والبحث والحفاظ على كل ڤيديوهات ناس صعب تتكرر تانى، وأتمنى من كل قلبى متابعتهم ولما نحتاج ردود على أسئلة جوانا ندخل ونعرف قالوا ايه فيها الشيخ محمد متولى الشعراوى، العالِم مصطفى محمود، الدكتور إبراهيم الفقى، الداعية مصطفى حسنى، الأستاذ أحمد الشقيرى، الدكتور محمد نوح، وغيرهم".
واختتم نجم الجيل تامر حسنى: "ما زلت أبحث عن علماء تانيين بيوصلولنا حقيقة الحياه وأسرارها وكيفية التعامل معها فى حلوها ومرها بشكل إيجابى جميل وبسيط .. شوفوا الفيديو دا عشان عملى ذهول مش طبيعى لو الڤيديو طويل شوفوه من النص هتذهلوا ومش هتقولوا غير سبحان الله وان شاء الله اى ڤيديو هحس انه فادنى هقولكو عليه".