وجهت الفنانة سيمون رسالة غامضة عبر صفحتها على موقع التواصل الاجتماعي لتبادل الصور والڤيديوهات القصيرة "الإنستجرام".
وكتبت سيمون: «لمًا تعيا وتموت في الآخر النهارده ولا بعد سنين، إيه بقي اللي هينفعك يا سيدي!؟ لسانك، عملك، كلمة حق قلتها أو ماقلتهاش في وقتها أو بعدها، ضميرك حكّمته في إيه؟! ومع مين!؟».
وأضافت في رسالتها: «كتمت غيظك مرة وعفيت عن مقدرة عشرين وبعد ده كله! إيه اللي هيفضلك غير سيرة طيبة ومعاملة حسنة وعدالة بين بني آدمين، افرح واغضب وثور واعند واتكبر وساعد حد أو على الأقل ماتعثرهوش».
وتابعت سيمون: «تواضع عن قوة مش خسة بس إعرف إنها بيك من غيرك ومن غيرهم خلصانة فمشيها زي ماتشوفها، وزي ما إنت فاكر! أنا عن نفسي بعامل ربنا في كل الناس، وربنا بقى يديني على قد نيتي مع الناس ويديهم برضه!».
تستعد الفنانة سيمون لإحياء ثانى حفلاتها بساقية الصاوي في الزمالك، يوم 14 يوليو المقبل، في تمام الساعة الثامنة مساءً.
وروجت سيمون للحفل عبر حسابها بموقع تبادل الصور والڤيديوهات القصيرة الإنستجرام، وكتبت: "فى انتظاركم الخميس ١٤ يوليو قبل ما التذاكر تخلص".