قامت الفنانة شيرين عبد الوهاب بفتح أبواب أزمة جديدة عبر مداخلة هاتفية أجرتها مع الإعلامية لميس الحديدى فى برنامجها أزمة أخيرة.
وكشفت شيرين خلال المداخلة عن تفاصيل أزمتها مع زوجها السابق الفنان حسام حبيب.
وقالت: "نفسى يتجوز ويبعد عنى وأخلص منه، أنا والبنات بقالنا 4 سنوات شايفين الويل، مكناش بنخرج ومكناش عايشين تقريبًا، البنات ماكانوش بيعرفوا يقعدوا معايا، كنت عايشة مع زوج مش بيشتغل تقريبًا، كنت محبوسة 24 ساعة فى أوضة نومى".
وأضافت: "حسام سرق العربية من قدام البيت، وأنا خرجت من الجوازة دى بالوكسة والحسرة، ده إنسان خطر لازم أروح اتعالج من آثاره عليا، أنا اتجوز الفيل أبو زلومة وقرد وما أرجعش ليه تانى، كنت متكفلة بمصاريف بيت أهله، طول عمره مابيشتغلش وأهله باصين لى فى كل حاجة".
وتابعت: "عيالى كانوا هيضربوا بالرصاص، حسام ضربني وشتمني وسحلني على الأرض، كل خناقة تحصل ما بينا يحرق دمى، كان عايز ينزلني من الفور سيزون بقميص النوم لحد ما مسكت المكنة وحلقت شعرى، كنت متجوزاه وأنا بدر منور لحد ما خلاني شبه حسن أبو السعود".