انتقدت غادة إيهاب نافع، ابنة الفنانة الراحلة ماجدة، بعض تصرفات سكان الساحل الشمالي من حيث التباهي بارتداء ملابس ذات الماركات العالمية، قائلة: "أنا اتربيت دايما على إني أقول الحمد لله على اللي عندي ومش شرط اللبس الحلو يبقى ماركة، ممكن ألبس حاجات بسيطة جدا وتكون أشيك من ماركات كبيرة".
وأضافت نجلة الفنانة الراحلة ماجدة الصباحي في مداخلة هاتفية لبرنامج "هي وهما" الذي تقدمه الإعلامية أميرة عبيد على قناة الحدث اليوم، "المسألة ملهاش علاقة بالفلوس لازم أحمد ربنا على كل نعمه، لازم نربي ولادنا على الحمد لله".
تابعت غادة نافع: "معنديش حاجة اسمها الست زي الرجل، الراجل لازم يبقى ليه كلمة وياخد وضعه ومفيش بنت تعمل اللي هي عايزاه، وتخرج زي ما هي عايزه وتيجي وقت ما هي عايزه، فخورة إني دقة قديمة.. لازم ناخد بالنا من ولادنا ونوجههم ومتسبوش ولادكم لحد تاني ولازم يعرفوا قيمة الجنيه".