طالب الدكتور جمال عباس ، استشاري طب الأسرة ، ضرورة اتباع الطرق العلمية في حال ارتفاع درجة الحرارة عند الأطفال ، مضيفاً أن هذا الأمر له أسباب كثيره اهمها والشائع منها "التهاب بالجهاز التنفسي العلوي، و اللوز أو التهاب الحلق واسبابها اما فيروسي او بكتيري او اسباب اخري، ومن يحدد التشخيص هو الطبيب .
ونصح جمال عباس استشاري طب الأسرة، خلال تصريحات إعلامية ،الأمهات بإتباع الطرق العلمية في حال علاج الطفل من المنزل، " أول حاجه اقيس درجة الحرارة للطفل واشوفها مرتفعه ولا لا، ولو بقيس بالترمومتر من تحت الابط ازود عليها نصف درجة، وفي حال عدم توفر ترمومتر القيام بلمس جبهة الطفل بظهر اليد واشوفه سخن ولا لا".
وفي حال وجود أرتفاع في درجة حرارة الجسم طالب عباس: "بسرعة استخدام لبوس حراره أو شراب حراره بالثلاجة مثل "سيتال ادي اطفال" مع عمل كمادات علي الأطراف والراس بمايه عاديه مش ثلج وإن أمكن "احميه" بمايه عادية يبقي ممتاز ليه عشان درجة الحرارة لو عاليه عن ٣٨ مش هتنزل بالدواء لوحده او بسهوله وعشان يشتغل خافض الحراره بشكل كويس اعمل كمادات وانزلها حتي ٣٨ بعد كده مخفضات الحرارة هتشتغل كويس كده خفضت درجة الحرارة بكل هدوء".
وطالب عباس الأمهات الذهاب للطبيب بعد أتباع التعليمات التى شرحها، للتعرف اذا كان التهاب بالحلق ولا حاجه تانيه ولو كان سبب ارتفاع درجة الحرارة التهاب بالحلق هيشوفه اذا كان بكتيري هيديله مضاد حيوي مع مخفض الحراره، وفي حال إذا كان السبب فيروسي مش هيحتاج مضاد حيوي ويكفيه مخفض الحرارة مع المتابعة لمدة يومين لو الحرارة في حال لم تنخفض".
ووجه جمال عباس رسالة للامهات قائلا" أن الحراره لو عاليه مش هتنزل علي طول من جرعه واحده اول ما اديله المخفض هيه بتاخد في الارتفاع والانخفاض لمدة يومين وأحيانا ثلاثه وبعدين تنزل، مع إعطاء المريض كميه من السوائل الدافئة باستمرار وبكثره عشان بتساعد في تحسين الالتهاب وتخفيض درجة الحرارة".