رحلت عن عالمنا صباح اليوم، الفنانة القديرة رجاء حسين، عن عمر ناهز الـ 85، بعد صراع مع المرض.
وكانت كشفت الراحلة عن تداعيات انفصالها عن زوجها الفنان سيف عبد الرحمن، بعد 51 عاما من الحياة الزوجية، التي كان يعتقد البعض أنها تنعم بالهدوء والاستقرار.
وقالت في حوار سابق لها مع الإعلامية راغدة شلهوب ببرنامج نص الكلام المذاع على شاشة النهار: 51 سنة مروا عليا بمرهم، وكان مُرهم أكتر من حلوهم.. أنا بحتفظ بالأسباب لنفسي ومبحبش أخون، وده كان جوزي أبو أولادي.. انفصلت 2006 مفتحتش بوقي، وابني توفى 2014 مفتحتش بوقي، إلا حتى لما ابنه توفي من زوجته الثانية وهما في قمة الاحترام، وحزنت على ابنه زي ابني بالضبط، وأنا اللي دفعت سيف للزواج وهو اعترف، وأنا قلت بلاش مياعة واتجوز.
وتابعت: أنا بصيت لقدام.. مليش أخوات مليش أعمام مليش خيلان ولا خالات، ووحيدة مكنش ليا غير سيف وبنتي وابني، وده اللي خلاني استحمل 51 سنة جواز، وكنت عايزة أربي عيالي تربية كويسة، وأنا مُؤمنة ما دام في أطفال مينفعش الانفصال إلا لما يكبروا ويقفوا على رجليهم.
وأضافت رجاء حسين: 2021 بدأت أتكلم، لأني كنت خايفة على ابني وعلى نفسي، كرجاء حسين ومطلعش زي بعض الفنانات أتكلم عن حياتي وأموري الشخصية، ومش خايفة على سيف عشان حاجة، لأ هتكلم مع أحفاده إزاي عنه، بقيت معاه وكرامتي مُصانة.. عندي صبر أيوب، لازم شفت أمي كده لازم عشان سمعتي، وأنا في الصورة أكتر منه، ومش عايزة حد يقول أي حاجة عني، وعمري ما اتكلمت على حياتي الشخصية.
ويذكر ان الفنانة رجاء حسين قدمت عددًا كبيرًا من الأعمال الفنية التي حققت نجاحا كبيرا، أبرزها: مسلسل واحة الغروب، فيلم نوارة، يوم للستات، مسلسل عايزة أتجوز، مسلسل ريا وسكينة، وغيرها من الأعمال.