حرص الفنان تامر حسنى على التواصل مع متابعيه وجمهوره عبر حسابه على موقع التواصل الاجتماعى " فيس بوك "، حيث أعلن "حسنى"، عن مشاركة جمهوره بقصص من تجربته ومشواره وخبرته فى الحياة لـ إفادتهم وتحفيزهم على النجاح.
وكتب تامر حسنى عبر حسابه على "فيس بوك":" حبايب قلبى فى حب ربنا وحبكم ان شاء الله كل كام يوم هاجى على بالليل كدا نتناقش فى موضوع من خلال مشوارى وتجربتى فى الحياة، جايز تستفيدوا منه حاجة وجايز يكون فى كتير منكوا هيكون كلامى بمثابة إشارة تشجعهم كانوا مستنيينها".
وتابع تامر حسنى :" من خلال خبرتى النجاح بيقوى ويجعل كل من حولك يهتم بك والعكس صحيح واعنى بالنجاح، النجاح الانسانى فى علاقاتك بربنا والناس .. النجاح المهنى وتحقيق ذاتك وطموحك وتحديك لكل الصعاب وتخطيك لكل محنك زى ما عملوا كتير قبلك وظروفهم كانت اصعب منك ووصلوا لاكبر من احلامهم" .
وأضاف :" امانه عليكم محدش يكتبلى عاش، انا عايز افتح باب نقاش حقيقى يخليكوا تاخدوا قرارات مهمه فى حياتكم او تتشجعوا وتتحمسوا لخطوات ايجابيه، واتكلموا وقولوا اللى جواكم وفرغوا احاسيسكم هنا واى اسائلة جواكم او اى مواقف او حكايات لما تتقال هنا هتبقى اول خطوه للصح عشان هتتولّد طاقه كبيرة للخير شاهد عليها ربنا فهتكون خير اوى لينا ان شاء الله ".
يذكر أن تامر حسنى يعرض له حاليا فيلم "بحبك" من تأليفه وإخراجه وبطولته إلى جانب هنا الزاهد، هدى المفتي، حمدى المرغنى ومدحت إسماعيل.