كشفت ليلى أحمد زاهر، عن إصابتها بـ أوميكرون، وذلك فى الوقت الذى كانت تستعد فيه للاحتفال بعيد ميلادها.
وكتبت ليلى أحمد زاهر عبر حسابها الشخصى بموقع إنستجرام: "أنا عايزة اشكر كل حد خد من وقته دقيقة وبعتلى وفرحنى فى عيد ميلادى وخصوصا الفانز بجد أنا كنت ببذل كل جهدى إنى اشوف كل الفيديوهات اللى انتوا عاملينها ومافوتش ولا فيديو، حقيقى أنا بحب كل حاجة بتعملوهالى وأصلا انتو أى حاجة منكم حلوة بجد شكرا قوى على مجهودكم الكبير انتو عندى حاجة كبيرة ومهمة قوى".
وأضافت: "كان نفسى النهاردة اكون بحتفل مع أهلى وأصحابى بس للأسف أنا إيجابى أوميكرون ودى تالت مرة، الحمد لله أكيد متضايقة وتعبانة بس ادعولى أخف بسرعة وبحبكم قوى شكرا من قلبى".
وكان آخر أعمال ليلى أحمد زاهر مسلسل "فى بيتنا روبوت 2"، والذى عرض خلال شهر رمضان الماضى، بطولة شيماء سيف، هشام جمال، عمرو وهبة، وهو من تأليف أحمد محيى وأحمد المحمدى، ومن إخراج وليد الحلفاوى.