طمأن النجم الكبير عادل إمام، جمهوره على صحته، بعد الشائعات التى انتشرت مؤخراً عن إصابته بمرض الزهامير.
وفى اتصال هاتفى مع برنامج ET بالعربى، قال النجم عادل إمام: "أنا تمام الحمد الله، أرد على إيه، أنا قاعد فى بيتى، عندى عزبة قاعد فيها مع ولادى وأحفادى، ومبسوط الحمد الله".
وواصل عادل إمام كلامه: "أصدقائى بييجوا لغاية عندى يقعدوا معايا وننبسط، وبيبقوا فرحانين بيا وأنا فرحان بيهم".
وكان المنتج عصام إمام، شقيق الزعيم عادل إمام كشف عن تطورات حالته الصحية، وما أثير عنها فى الأونة الأخيرة، قائلًا: "الواحد مل من الشائعات وتعودنا عليها، كل شوية شائعة شكل ومش عارفين نعمل إيه"!
وتابع خلال مداخلة هاتفية إلى برنامج "كلمة أخيرة" الذى تقدمه الإعلامية لميس الحديدى على قناة "ON"، أنه كان برفقة عادل إمام اليوم، وكانا يتحدثان ويمزحان، قائلًا: كنا قاعدين بنتكلم النهاردة وبنهرج وبيقلى ياعصام دول موتونى قبل كده خمس أو ست مرات هيقولوا إيه تانى"؟!
وحول سماع "الزعيم" بأنباء اصابته بالزهايمر، قال عصام: "مش متابع هو سوشيال ميديا كتير لكن سألنى إنت ليه بتطلع ترد وتتكلم عنى؟ قلتله لما يقولوا عندك زهايمر لازم أطلع وأرد.