قالت النجمة ياسمين صبرى، إنها منذ بداية شهرتها وهى تدرك أنها محل اهتمام الناس، وبالتالى تتعرض لـ الشائعات والأخبار المغلوطة والمكذوبة.
جاء ذلك، خلال استضافة النجمة والإعلامية إساد يونس لـ النجمة ياسمين صبرى فى برنامج "صاحبة السعادة" على قناة dmc الفضائية.
وقالت ياسمين صبرى: "بتعامل مع الشائعات دون رد فعل أو تعليق، لأنى لو رديت التريند مش هيخلص وموجة الشائعات مش هتنتهى طول ما فى رد".
وتابعت: "أنا مكتفية بذاتى وببعد عن أى تريندات، وتفاعل الناس معايا على السوشيال ميديا طبيعى".
وأوضحت أن النجم الراحل محمود عبدالعزيز كان ينصحها خلال تصوير مسلسل جبل الحلال، قائلة: "قالى خلى بالك كويس جدا من الناس اللى حواليكى، وأنا دائما فاكرة كلامه وبعمل به؛ لأن عندى عقل وبفكر كويس فى كل اللى حواليا".
وتابعت ياسمين صبرى: "الأخلاق أهم ما يجب على الإنسان اتباعه، وبحاول دايما أخد الأمور ببساطة ودون عصبية وبهدوء"، مستطردة: "بتفرج على شغلى وأعرف أخطائى وأتعلم منها للى جاى، وبحب التمثيل وجو الأسرة فى العمل الفنى عشان نقدر نطلع أفضل ما عندنا".