قامت سارة ابنة الفنان الراحل محمد متولي بالرد على الفنان فكري صادق، وذلك بعدما حل ضيف في برنامج "كلمة أخيرة" التي تقدمه الإعلامية لميس الحديدي، على شاشة قناة on.
وكان تحدث الفنان فكري صادق قائلاً: "أن أنه كان مرشح للدور الذي قام به الفنان محمد متولي في فيلم سلام يا صاحبي، ثم تفاجئ أن الدور قام به محمد متولي بدلاً منه".
وقامت سارة محمد متولي بالرد عبر حسابها الرسمي بموقع التواصل الاجتماعي «فيس بوك»، قائلة: "مع كامل احترامي للأستاذ فكري صادق بس للأسف معنديش أي إثبات على كلامه بالنفي أو التصديق لان والدي الله يرحمه في ذمه الله مش هعرف اساله بس كام دور لو جينا نشوف في حياه كل فنان جاله ومحصلش نصيب فيه"
وتابعت: "بس اللي عايزه أوضحه بابي الله يرحمه كان انسان مخلص جدا يعني عمره لو كان عرف ان في دور جاله كان مرشح ليه زميل اخر كان هيقبل قبل ما يكلم الزميل الاخر يتاكد من اعتذاره للدور".
وأضافت: "مثلا الصول شرابي في المال والبنون كان في الجزء الاول الفنان القدير حسن حسني، لله يرحمه والدي كلمه مخصوص في الجزء التاني لما جاله الدور عشان يتاكد انه علي علم بالتغيرات اللي حصلت وهو اكد له انه وقتها مشغول بتصوير اعمال تانيه وانه راضي تماما".
واستكملت: "مع العلم انه بابي كان في زملاء اخرين كانوا بيبقوا عرفين انه هو في دور معين في عمل ما وبالنص يتقال للمنتج هو بياخد كام انا هاخد اقل منه واديني الدور، وكان بيكون عارف مين وبالاسم وعمره ما بيعاتبه خلاص مش نصيبه، ف بتاكيد والدي لو كان علي علم ب دور خوليو انه كان لحد تاني كان هيكلمه بردو وهيقوله، علي سبيل الامانه "
واختتمت حديثها قائلة: ""بابي موهبته هي اللي كانت بترشحه وقتها في بدايته بقوه هو مكنش من شله حد معين عشان يجيبه بالاسم، وان خوليو من اعز الادوار لقلبه كان كل ما بيجي الفيلم يقولي ليه الناس هتفضل تحب سلام يا صاحبي طول العمر ومتزهقش منه عشان الفيلم ده الناس محتاجه تشوف الصاحب الجدع الوفي اللي مبيسبش صحبه وفي ظهره مهما حصل خوليو كان حاله مش بس شخصيه تجسد خوليو هو محمد متولي نفسه بطيبته وجدعنته وشهامته، الله يرحمك يا حبيبي ويرحم الفنان القدير سعيد صالح".
جدير بالذكر رحل الفنان محمد متولي عن عالمنا في 11 مارس عام 2018، عن عمر ناهز 72 عامًا أثر تعرضه إلي نوبة قلبية.