قالت الفنانة نادية الجندي: "أنا مش محرومة من النجاح وأفلامي نجحت وكسرت الدنيا، وعمري ما تمنيت أقدم ما قدمته ممثلة تانية، ومعنديش الحقد أو الغيرة من أي فنانة، وأي حد من الزملاء بينجح أبارك له، وهنأت منى زكي على دورها في مسلسل لعبة نيوتن واتصلت بها في التليفون وهنأتها على الفور".
وأضافت خلال الجزء الثاني من لقائها ببرنامج "حبر سري" الذي تقدمه أسما إبراهيم بقناة "القاهرة والناس": "لا توجد فنانة تصلح لتقديم سيرتي الذاتية أو قصة حياتي".
وتابعت: "أفلامي الجريئة كلها بتتعرض على جميع الفضائيات والناس بتشوفها وبتستمتع بيها وده دليل أنها أفلام جيدة وتركت أثرا جيدا، والجيل الجديد على السوشيال ميديا بيتابعني وأنا مش هرد على الشائعات لكن برد بالأفعال، علشان كده لو أعمال هتتعرض للمرة الأولى دلوقتي هتنجح ومش هتتمنع".
ولفتت: "أنا عاطفية ورمانسية وأثق في الناس جدًا ويمكن الثقة دي بتسبب لي مشاكل لكن في الآخر ربنا بيكشف لي كل حاجة ولا يصح إلا الصحيح في الآخر حتى لو اتخدعت في فترة ربنا بيعطيني إنذار وعندي حاسة سادسة قوية بتعرفني علطول هل الإنسان ده من جوا صادق أم مخادع وأنا بمشي وراء إحساسي علطول".