قال الدكتور رضا حجازى وزير التربية واتلعليم والتعليم الفنى ، ان الحوار والاستماع لكل الاطراف والاجتماعات الدورية ووضوح الاهداف من عوامل نجاح الفريق.
واشار "الوزير " خلال منشور له على صفحته على " فيسبوك " : لذلك اعجبني كلام الدكتور محمود ابو العزايم حينما قال صاحب مصنع صابون كان عنده مشكلة كبيرة أثرت على سمعة المصنع .. المشكلة إن كان في علب صابون فاضية بسبب خطأ فى ماكينة التعبئة نتيجة سرعة خط الانتاج .. جاب شوية خبراء و قالوله الحل جهاز ليزر يتحط على السير عشان يكشف العلب الفاضية و الجهاز ده هيتكلف ١٠٠ الف دولار !
صاحب المصنع كان مضطر يوافق عشان يحافظ على سمعة مصنعه .. و هو قاعد فى مكتبه دخل عليه عامل قاله أنا عاوز ١٠٠ دولار و أحل المشكلة !
صاحب المصنع سمع للعامل و اداله الفلوس .. راح العامل جاب مروحة حطها على خط الانتاج .. العلب الفاضية كانت بتطير من هوا المروحة و العلب المليانة بتعدي عادي !!!
عشان كده لازم تسمع لكل واحد في فريق عملك باهتمام .. ربما العامل البسيط عنده برؤيته حل أفضل من الخبراء .. اسمع و شارك الناس و خليهم يفكروا و يحسوا انهم بيساهموا في القرار هتنجح بنجاحهم .. الافكار اللي هتخرج من عشرة بيفكروا غير الفكرة اللي هتخرج من واحد مهما كان !