حرصت النجمة سماح أنور على توجيه رسالة لمن يتحدثون عن المطربة شيرين عبدالوهاب بطريقة مسيئة، بسبب أزمتها الأخيرة مع أسرتها، فقامت سماح أنور بـ كتابة بوست عبر حسابها الرسمي بموقع التواصل الاجتماعي «فيس بوك».
قائلة: "الحقيقة أن أي كلام من أي حد عن شيرين عبد الوهاب دلوقتي.. في الفترة دي.. هو باختصار قسوة وتجارة و رخص حقيقي".
ولاقت شيرين عقب أزمتها دعم كبير من نجوم الوسط الفني، عبر حساباتهم الرسمية بمواقع التواصل الاجتماعي المختلفة، حيث دعمتها الفنانة ميرهان حسين عبر «انستجرام» قائلة: "بنحبك بنعشقك وهانفضل نحبك ياللي مفيش زيك، وزي ماقُلتي في المسرح أنا شيرين، إنتي شيرين حبيبة الكل، ربنا يبعد عنك كل حاجة وحشة وكل شيء أو شخص بيأذيكي ربنا يحميكي، ويرجعك لكل حبايبك يا حبيبة الكل".
ومن جانبها كتبت سمية الخشاب: "حبيبتي شيرين، ربنا يقويكي، حاسه بيكي وعارفه انتي بتمري بايه اكتر من اي حد ربنا يقومك بالسلامه عشان اللي مريتي به في السنين الأخيرة مفيش بني ادم يقدر يستحمله طيب القلب ساعات بتبقي ابتلاء اكتر من انها نعمه".
وياسمين صبري علقت خلال لقاءها بـ «Et» بالعربي: "أنا متأكدة إن دي وقعة وهتقوم منها، هي الحياة كدا أحيانًا بنقع ونقوم مفيش حد دايما بيجري، إحنا بنتخيل بس كدا، ولكن أنا متأكدة إن المحطة الجاية في حياة شيرين عبد الوهاب فيها نجاح وازدهار، وهتكون بتنور، وهتكون أحسن من ما كانت قبل كدا بكتير".
وتابعت: "أنا بشوف إن المشاكل والصدمات بتقوي مش بتكسر، وأنا متأكدة أن شيرين عبد الوهاب هتعمل كدا".