قال الرئيس عبدالفتاح السيسى: "فى أحداث 2011 و2012 و2013 الدنيا كلها كانت بتقول أنا ساكت ليه وسايبنا ليهم ليه وهما هايعملوا فينا إيه، الجيش يعرف اللى بقوله كويس وبعض المفكرين يعرفوا ده، الجيش جزء من مؤسسات الدولة ويخضع لرئيس الجمهورية، كان مين يعلم الراجل ده إنه ينتبه ويعرف إن مصر داخلة على حرب أهلية ولابد أن يكون له موقف، والموقف ده يكلفه حد أدنى استمراره فى الوظيفة وحد أقصى حياته".
وأضاف السيسى، خلال الجلسة الختامية للمؤتمر الاقتصادى – مصر 2022، اليوم الثلاثاء: "الواقع اللى ماشيين فيه لم يتغير عما حدث منذ 7 سنوات، لأن 7 سنين ليس كثيرا فى مسيرة دولة، وتم التحرك بالشكل الذى يرضى ربنا خلال المرحلة دى إعطاء فرصة كاملة للناس اللى كانت موجودة بالنصيحة الشريفة".
وتابع: "فى ناس من مجلس الوزراء كانت معانا فى الوقت اللى كنت فيه وزير، وكنت بقول كل حاجة بما فيهم القيادة، لأن الموضوع شريف لأن الشريف لا يتجزأ، الرزق على الله".
وبدأ اليوم الأخير من المؤتمر الاقتصادى، بجلسة خارطة طريق لتطوير قطاع الصناعة: تحديات وآليات تحفيز القطاع، بمشاركة رئيس الوزراء مصطفى مدبولى.
وكانت فعاليات المؤتمر الاقتصادى، بدأت الأحد ويستمر 3 أيام، بتكليف من الرئيس عبدالفتاح السيسى لمناقشة أوضاع ومستقبل الاقتصاد المصرى، بمشاركة نخبة واسعة من كبار الاقتصاديين والمفكرين والخبراء، بحضور رئيس مجلس الوزراء وعدد من كبار رجال الدولة.