إعلان مسئولى وزارة التربية والتعليم عن اعتزام الوزارة تقنين أوضاع مراكز الدروس الخصوصية ومنحها تراخيص رسمية.. هو بمثابة شهادة وفاة لكل خطط تطوير التعليم.. والمسمار الأخير فى نعش مجانية التعليم..!!
ولا حول ولا قوة إلا بالله.. الفاتحة أمانة يامصريين.. وحدووووووه..!!
سايق عليكو النبي فضوها سيرة بقى..!!
مين اللى قال إنها "صوت مصر"..؟!!
أمال أم كلثوم وشادية ونجاة وحورية حسن وأحلام المصرية.. وغيرهن وغيرهن يبقوا إيه.. صوت بوركينا فاسو..؟!!
يمكنكم أن تدعوا لها بالشفاء وانتهاء محنتها بسلام.. لكن ماتحطوش مصر معاها فى جملة غير مفيدة.. دا أنتم كان ناقص تقولوا إنها كانت بتشم من أجل مصر.. وشعب مصر..!!
مرة تانية فضوها سيرة.. وابعدوا عن مصر وحياة أبوكم.. ف مصر مش ناقصة.. مصر فيها اللي مكفيها..!!
إيه الكلام الفاضى ده..؟!
إزاى يرفعوا سعر جلسة غسيل الكلى 50% مرة واحدة.. هى الناس ناقصة.. حرام و الله العظيم حرام..؟!
اللي طلع القرار ده لازم يتعاقب مرتين.. مرة بتهمة الإرهاب.. إرهاب المرضى والغلابة.. والمرة التانية بتهمة عدم الإحساس بمعاناة الناس..!
بصراحة حاجة تحرق الدم.. هى ناقصاكم.. يعنى هاتبقوا أنتم والمرض على الغلابة!
ارحموا من فى الأرض يرحمكم من فى السماء.
اتصلت بى الدكتورة دينا فاروق أبو زيد أستاذ الإعلام والمستشار الإعلامى لرئيس جامعة عين شمس للرد على ما كتبته فى هذا المكان عن الأوضاع غير المقبولة بقسم الاستقبال بمستشفى الدمرداش؛ حيث أكدت أن هناك خطة تطوير شاملة بدأ تنفيذها بالفعل وتنتهى خلال الشهرين القادمين، لتحويل المستشفى لمدينة طبية متكاملة؛ تتضمن مستشفى كاملاً للطوارئ ومستشفى إجراءات الأطفال بالإضافة لمبنى خاص لبنك الدم يتم تدشينه حاليًا.
وأكدت أن خطة التطوير جاءت بناء على توجيهات الرئيس عبد الفتاح السيسي بتطوير منطقة مستشفيات جامعة عين شمس، وإعادة تخطيطها بالكامل .
ووعدت المستشار الإعلامى بدعوتى لزيارة المدينة الطبية بعد الانتهاء من خطة التطوير.
خالص تقديرى لكل جهد مخلص لخدمة أبناء شعبنا الطيب.
أسهل حاجة اليومين دول علشان تبقى مشهور هو إنك تضرب فى الدين.. فالبعض فاكر إن الدين هو الحيطة المايلة اليومين دول وهو أسرع وسيلة للشهرة والثراء السريع..!
يا جماعة و الله العظيم الكفن مالوش جيوب.. وفى النهاية مش هاناخد غير القطنة.. لا فرق بين وزير ولا غفير ولا بين مشهور ولا مغمور..!!
نفسى ومُنى عينى إن نقيب الموسيقيين الجديد يعمل اللى ماعرفش غيره يعمله..!
يعنى ياريت يخللى الوقف المؤقت لتصاريح بتوع المهرجانات وقف نهائى لا رجعة فيه ويقطع دابر سرطان المهرجانات وبتوع المهرجانات؛ ويحرمنا من الطلعة البهية لشاكوش
وبيكا وشطة والوزة زكريا..!!
ياريت الشجاعة اللى جت له تبقى فى الجينات.. مش مجرد "حباية" أخدها لزوم الانتخابات..!!