حل الفنان باسم سمرة مساء أمس الجمعة، ضيفا على برنامج "حبر سري" للإعلامية أسما إبراهيم، حيث كشف العديد من الكواليس في مسيرته الفنية، وعلاقته بزملائه بالوسط الفني، وجاءت أبرز تصريحاته كالتالي:
- نيللي كريم مكنتش عارفة تقول كلمتين في مسلسل ذات وأنا مليش فضل عليها، ولكن كنت أنا وانتصار منطلقين انطلاقة عظيمة.
- محمد رمضان أخويا الصغير وهو في كوارث دلوقتي وعنده مشاكل كتير ولكن هو موهوب جدا ولو ركز هيبقى أحلى وأحلى ويكون نجما عالميا.
- عمري ما قلت إن في مؤامرات ضدي في الوسط الفني.. واللي مش مصلحته أنى أطلع هو اللي موهبته قليلة ويخاف إني أظهر أخذ منه الليلة.
- نظرتي للحياة تغيرت بعد وفاة بنتي والبهجة والسعادة معدتش موجودة والحزن وجعه مش بيخلص.
- عندي بنتين بـ100 راجل والبنات حنينة على أبوهم ورزقهم واسع، وأتمنى في زوج بناتي يكون حنين ويتقي الله في البنت عشان لو معملش كده هطلع عينه.