أعرب بيج رامى، عن حزنه عقب خسارته لقب مستر أولمبيا، خلال الساعات الماضية، الذى توج بها الإيرانى هادى شوبان، ليكتفى بالحصول على المركز الخامس، رغم الأداء الاستثنائى الذى قدمه .
وقال بيج رامى عبر صفحته الشخصية على موقع التواصل الاجتماعى "فيس بوك" :" أبارك للبطل الإيرانى هادى شوبان على تحقيقه اللقب.. قدمنا مستويات تنافسية عالية للغاية، وراضٍ عن الأداء الذى قدمته خلال أحداث البطولة ".
وأضاف "رامى" :" أنا مريت بمكسب وخسارة كتير فى حياتى، ودا اللى خلانى حققت اللقب من قبل ذلك فى مناسبتين، تعرضت لتجربة صعبة عام 2018 خسرت واحتليت المركز السادس، والناس قالت إننى انتهيت، لكن أنا مش شايل مسؤوليتى لوحدى، أنا شايل مسؤولية شعب كبير وبلد كبير".
وتابع :" الناس صدقت فيا وأمنت بيا، ودا اللى رجعنى، وساهم فى تحقيق اللقب فى نسختين خلال الفترة الماضية، لم يحالفنى التوفيق، وأنا لسه عايش، أنا مش ميت، ولسه جوايا أقدر أكمل خلال الفترة المقبلة لحد آخر نفس، وأقدر أحصد اللقب من جديد خلال الفترة المقبلة، دى مش نهاية العالم، وأنا أصدق هذا داخلى أنا لسه رامى ".
وأضاف :" فخور باللى عملته، ودا بفضل دعمكم وتوفيق ربنا بكل تأكيد، وأنا هرجع أرفع رأسكم من جديد، أنا مكمل وهفضل موجود طول ما فيا نفس " .