حل النجم محمد حماقي أمس ضيفًا في برنامج صاحبة السعادة للإعلامية إسعاد يونس، والذي يذاع على قناة DMC، وذلك في سهرة رأس السنة 2023، حيث تحدث عن العديد من الجوانب الشخصية وكواليس مسيرته الفنية، وأمور أخرى.
وكشف الفنان محمد حماقي، قصة المعجبة الروسية التي تعملت العربية من أجله، لافتًا إلي أن الفتاة الروسية ارتبطت بأغانيه خلال حفله في كأس العالم 2018 بروسيا.
وأشار خلال الجزء الثاني من لقائه مع الإعلامية والفنانة اسعاد يونس ببرنامج “صاحبة السعادة” المذاع علي قناة “سي بي سي”:"في وقت كأس العالم بروسيا 2018 عملت حفلة هناك علشان الجمهور المصري والعربي فوجئت فيه ناس حابين المزيكا بس مش فاهمين الكلام منهم روسية قالت انها اتعلمت عربي علشان تفهم الأغاني بتاعتي وتغنيها وده اثر فيا وحملني مسئولية".
وأضاف:"زمان كان النجاح بالنسبة هدف ولما نجحت لقيت النجاح اداة لإسعاد الناس، يعني ربنا بيختار الناس اللي يرزقها نجاح علشان يسعدوا الاَخرين وبالوقت ".
وتابع:"مبقتش عايز حد من جمهوري يتعاير بيا لإن كده هتقتل والناس اللى بيحبوني يكونوا فخورين بيا علشان كده انا محافظ علي نفسي ومش عايز اللىى يحبني يدخل خناقة عليا ويخسرها ويحس ان حب حد يستاهل".
وأوضح:"أنا تركيبتي إني لازم احافظ علي نفسي طول الوقت والفن مش ترفيهي بس ولكن نرتقى بالناس ونثقفهم ونعلى بالذوق العام، والفنان لازم يكون بيمثل القدوة الكويسة للناس في كل تصرفاته مينفعش يبقى بيعمل تصرفات غلط ويسهر ويغلط مينفعش".
وأكد محمد حماقي أن الأغنية الشعبية هي التي يفهمها أكبر شريحة من الشعب، قائلًا: "أنا بغني شعبي بتاعي مش زي حد تاني مثل أغنيتي أدرينالين واللي اتقدمت بشكل شعبي بس في غلاف محمد حماقي مش حد تاني".
وقال محمد حماقي: "هناك شعرة ما بين التغيير والتغير أنا عايز أبقى من مكاني بقدم شيء مختلف مش عايز أبقى واقف في حته تانية فالناس تستغربني والدنيا تبوظ".
وتابع: "كل واحد عنده شخصية فنية لازم يحافظ عليها أنت زي ما أنت بطعم وشكل جديد مش واحد تاني ودي شعرة لازم الفنان يكون واخد باله منها كويس جدًّا".