طرحت الإعلامية أميرة عبيد، خلال تقديم برنامج "هي وهما" على قناة الحدث اليوم، تساؤلا تحت عنوان: التدني في استخدام التيك توك مسؤولية من الأسرة أم المجتمع؟، موضحة،: كلنا عارفين وشايفين التدني والابتذال اللي بيحصل على ابلكيشن التيك توك من بعض الشباب والبنات وكمان الأطفال ومش بس كده كمان بنشوف ستات كبيرة ورجالة في أوضاع لا تليق أبدًا بينا كمصريين يا ترى إيه السبب وليه وصلنا لكده".
تابعت أميرة عبيد، لما العيب والغلط يكون سبب لكسب المال علي حساب صورتنا كمصرين يبقي في حاجة غلط ! و لما كبير وصغير يتعدى حدود الاحترام والالتزام عشان يحقق مشاهدات تجلب المال والشهرة بس من غير احترام يبقي لازم يكون في وقفة، ستات وبنات رجالة وشباب أطفال و مرهقين بيتنافسوا في مسابقة هدفها هو كل ما ترخص نفسك أكتر تكسب أكتر.. للأسف إحنا في خطر بيهدد مستقبل أجيال بالكامل.
وتساءلت أميرة عبيد، "الستات اللي بتطلع تعمل تحديات مع رجالة أجانب لمجرد إن ده بيجيب فلوس حضرتك عارفة الرجالة دول بيسموكي إيه ؟ طيب إزي تقبلي على نفسك تطلعي لايف بلبس البيت من غرفة نومك وتكسري حرمت البيت وتفرجيهم عليكي.. من إمتي والأسرة بتسمح بده ؟ إزي المجتمع يبقي فاتح علي الرابع بشكل المهين ده ؟.. هنفضل لأمتى سكتين علي المهزلة دي".
https://www.youtube.com/watch?v=6txi28Ne4Zg