كتب: أحمد حمدي
قال المنتج رضا فهمي صاحب شركة ام ار ميديا للإنتاج الفني و التوزيع في تصريحات خاصة أن المخرج إبراهيم الباشا تسبب له بخسارة أكثر من مائتي ألف جنيه.
و تابع: «الباشا » فضل يزود مشاهد بدون علم السيناريست، لحد ما دمر الحدوتة تماما، وكل ما نكلمه يقول أنا المخرج، وأنا سيد العمل، وحسبونى في الآخر.
و قال المنتج: "لازم نحذف مشاهد، و نصور مشاهد تانى، ودى تكلفة كبيرة لأن في ممثلين مش مصريين، و الممثلين المصريين في منهم مرتبطين بأعمال أخرى يعنى الخسارة هتزيد؛ علشان نقدر نصور ونلحق عيد الفطر".
و أضاف: " حاولنا حل الموضوع مع المخرج إبراهيم الباشا بشكل ودي أكثر من مرة لتفادى أى خسائر لأى طرف لكن دون جدوى وحسبى الله ونعمه الوكيل" .
و تابع: الأستاذ إبراهيم كان بيهددنى إني لو اتكلمت هينزل المتريل على النت؛ لأنه معاه نسخة من متريل الفيلم، و إن شاء الله هناخد الإجراءات القانونية فى النقابة، وجميع الجهات المختصة حيال ذلك، و حسبى الله ونعمه الوكيل.