أعربت الفنانة انغام، عن رغبتها في خوض تجربة التمثيل، قائلة:"بعد المسيرة الغنائية مش عارفة ليه ممثلتش لحد دلوقتي لكن ممكن يتعرض عليا حاجة واعملها، أو ميجليش حاجة وأركز في التمثيل بالكليبات".
وأضافات أنغام خلال لقائها ببرنامج “الحكاية” الذي يقدمه الإعلامي عمرو أديب بقناة “mbc مصر”:" ولادي هما اللى بيربوني وأنا ربيتهم بالحنية وإحنا مبنمسلش على بعض وأنا صاحبتهم وطول الوقت واضحة معاهم ومش شديدة عليهم، ووصلتهم لمرحلة يصعب عليهم انهم يزعلوني".
وتابعت:"انا في حياتي مبعملش حاجة غير المزيكا وولادي والعب شوية رياضة وأحيانا بطبخ، وبتابع كورة طبعا مع ولادي طبعا وبتفرج على الأهلي طبعا وأحيانا برشلونة وريال مدريد وطبعا محمد صلاح، أهلي علموني الكورة وانا صغيرة وكانوا ساعات بيلعبوا بيا كورة، وولادي بيحبوا الكورة اوي وانا كمان معاهم".
وأحيت المطربة أنغام واحدة من أضخم حفلاتها الغنائية في المملكة العربية السعودية أمس الجمعة تحت شعار “ليلة صوت مصر” على مسرح أبو بكر سالم.
وشهد الحفل حضورا جماهيريا كبيرا من محبي الفنانة وعدد كبير من نجوم الفن، وتصدر الحفل خلال الساعات القليلة الماضية مؤشر بحث جوجل ومواقع التواصل الاجتماعي.