أكدت الفنانة مي عمر، أنها لا تدخل في تجربة فنية مع فنان لا تكون مطمئنة في الشغل معه، قائلة: "محمد رمضان نجم كبير وعملت معاه أول مسلسل ليا الاسطورة وكان من أهم الأدوار في حياتي وهو بالنسبة لى مش شخص عادي وكان بيشجعني وحاجة مهمة في تاريخي الفني" .
وأشارت مي عمر، خلال حوارها ببرنامج "حبر سري"، مع الإعلامية اسما إبراهيم، على قناة القاهرة والناس، إلى شعورها بالراحة خلال العمل مع ياسر جلال، مضيفة: " ياسر جلال عملت معاه الفتوة وكان من أهم الأدوار، وهو على المستوى الإنساني أخ ليا وممثل تقيل قوي، ولما بمثل معاه بحس بكيميا عالية جدا في التمثيل واستمتع بالشغل معاه على المستوى المهني والإنساني".
وعبرت مي عمر، عن سعادتها بتجربة العمل مع النجم حسن الرداد، متابعة: "حسن الرداد دمه خفيف جدا وعملت معه شغل وبنعمل فيلم جديد مع بعض، ولو اتعرض عليا ثلاث أدوار واختار واحد منهم سواء محمد رمضان أو ياسر جلال أو حسن الرداد سأختار الدور الأفضل ليا".