ردت الفنانة شذى على تصريحات مطرب المهرجانات حسن شاكوش ضدها في برنامج حبر سري.
وذلك عبر صفحتها الخاصة على موقع التواصل الاجتماعي فيس بوك وجاء نص الرد :" "طب انت مستفز يا شكشك بدل كلمة مستفز بتعصبك و دكتوره بسمه وهبه علشان هي ست شيك قالتلك شذى فنانة زميلة علشان تجبر بخاطرك بس الحقيقه انت لا فنان و لا زميل بالنسبالي خالص
انت مؤدي و بالنسبالي صوتك مزعج انما فنان زميل دي انا اعترض عليها بشده و دي الحقيقه بس علشان دكتوره بسمه مؤدبة و انت ضيفها مقلتلكش الحقيقه، و اصلا مينفعش تسأل مين دي مش علشان لازم تكون عارفني بيني وبينك اريح لو متعرفنيش وتعمل الشويتين بتوع ااااااه عارف اسمها و مش عارف اغانيها و مال شكلها اتغير كده ليه و جو ٣ ورقات ده ، لأن الرد موجود ما أنا او محدش فاكرنى ولا عرفني مش هيجيبوا كلامي و يعرضها لك يا جاااااهل، و اصلا أسماء الاغاني اللي انت قولتها دي بتتكتب على تكاتك متعملش فيها بيتهوفن والنبي و مش معنى ان في هيصه الفتره دي على اللون ده ان انت واللي زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدمها ، و عموما وعمليا ردك ملهوش دعوه خالص بالسؤال ولا فهمت منك حاجه و مش عيب انك تحضر قبل الحلقه عفوي وعلى طبيعتك دي لما تكون قاعد على مصطبة او واثق في ردودك الذكية المنطقية اللي هي مش موجودة اصلا في إبقى حضر بعد إذنك علشان بدوخ المذيعين معاك ملحوظة الجاكت اللي كنت لابسه حريمي يا فنان""
رد مغني المهرجانات حسن شاكوش، على الفنانة شذى بعدما انتقدته وقالت إنه لا يجيد الحديث، قائلا: "" هي بتغني؟! هي دي مغنية؟! تغني إيه؟! معرفهاش والله العظيم، أنتِ حافظة لها أغاني؟!"".
وأضاف حسن شاكوش، خلال حواره مع الإعلامية بسمة وهبة، مقدمة برنامج «العرافة»، على قناة «المحور»: «"ربنا يتولاها، أنا مش مستفز زي ما هي بتقول، أنا بتكلم بطبيعتي، لكن أنا مبغلطش، ومش بحب أكون "FAKE».