نفى الفنان شيكو انفصاله فنيًا عن الفنان هشام ماجد بعد طرح أولى بطولاته المطلقة في دور العرض السينمائي فيلم "ابن الحاج أحمد".
وقال شيكو في تصريحات لبرنامج ET بالعربي: "أنا أول مرة أعمل حاجة من غير هشام، حتى في التحضيرات الخاصة بالفيلم ودي حاجة بالنسبة لي غريبة وجديدة عليّ، وطبعا مسؤولية كبيرة بس الحمدلله الناس مبسوطة.. ولكن اطمئن الجمهور عندنا مشروع فيلم جديد سويا وهذا لا يمنع إن ممكن حد يشتغل لوحده ونرجع نشتغل مع بعض".
وأضاف: "أنا وهشام زي الفل ومفترقناش، وكما ذكرت عندنا مشروع جديد مع بعض، ولكن اللي بتجيله حاجة عايز يعملها ومينفعش إحنا الاتنين نبقى في نفس المكان بيعملها عادي، وهنفضل نشتغل مع بعض، هشام صديق عمري من 26 سنة".
وعن دوره في فيلم "ابن الحاج أحمد"، أشار: "هو شخص كسول أوي، وعايش اللحظة ودور مش دوره هو في الآخر إنسان بسيط ابن راجل بسيط، لديه محل بقالة، بس مش عاجبه الحياة دي لحد ما يصطدم بحقيقة والده وإنه كان فاكره راجل بسيط ولكن طلع مش بسيط خالص".
أما عن المنافسة بين الأفلام التي تم طرحها في عيد الفطر، قال شيكو: "طبعا مش بنافس محمد رمضان لأن الفيلم بتاعه مختلف، وفيلم 13 يوم كمان ده فيلم رعب 3D، المنافسة الحقيقية كانت مع فيلم علي ربيع".
فيلم "ابن الحاج أحمد" هو البطولة المنفردة الأولى ل شيكو بعد عدد كبير من التجارب الناجحة التي اشتهر من خلالها الثلاثي الذي يضم أحمد فهمي و هشام ماجد كان آخرها فيلم الحرب العالمية الثالثة، ثم مجموعة تجارب ثنائية مع الفنان هشام ماجد كان آخرها فيلم قلب أمه، ومسلسل اللعبة الذي حقق نجاحا كبيرا في مواسمه الثلاثة الأولى وفي انتظار موسمه الرابع.