داليا البحيرى: «سيدتى أنا» تجربة مرعبة

داليا البحيرى: «سيدتى أنا» تجربة مرعبةداليا البحيرى

ثقافة وفنون30-5-2023 | 13:48

تعود الفنانة داليا البحيرى إلى المسرح بعد غياب طويل من خلال عرض جديد بعنوان "سيدتى أنا"، يشاركها بطولته الفنان نضال الشافعي، والعرض من تأليف وإخراج محسن رزق، وأشعار عادل سلامة، وألحان الموسيقار محمود طلعت، وديكور د. حمدى عطية، وملابس الدكتورة مروة عودة، جرافيك جون بهاء، تصميم الاستعراضات مصطفى حجاج، والمسرحية مأخوذة من عرض "بجماليون" الشهير وتعرض على خشبة المسرح القومى.

كان الكاتب والمخرج محسن رزق، قد بدأ فى عمل البروفات الخاصة بالمسرحية منذ ما يقرب من ثلاثة أشهر، ونظرا لانشغال نضال الشافعى و داليا البحيرى بتصوير أعمالهما خلال الفترة الماضية، توقفت البروفات لفترة وتحديدا شهر رمضان الماضي، حيث كان نضال الشافعى يصور مسلسله الأخير رسالة الإمام ولم يستطع الانتظام فى بروفات المسرحية.

وبدأ فريق عمل المسرحية فى استئناف البروفات بشكل منتظم بعد انتهاء إجازة عيد الفطر الماضي، حيث حرص كل من نضال الشافعى و داليا البحيرى ومحسن رزق وأيمن الشيوي، مدير المسرح القومي، على التواجد بشكل يومى داخل المسرح للوقوف على التفاصيل النهائية قبل بدء عرض المسرحية بشكل رسمي.

تجربة مرعبة

وكشفت "داليا" عبر حسابها على موقع التواصل الاجتماعى «إنستجرام»، عن كواليس العرض المسرحى «سيدتى أنا»، الذى بدأت التحضير له منذ 8 أشهر.

ونشرت البوستر الدعائى للمسرحية وعلقت عليه قائلة: «أنا لما بدأت پروڤات مسرحية سيدتى من 8 شهور كنت عايزة أعمل تجربة مسرح مختلفة فيها رقص وغنا وتمثيل وفيها تمرين لأدواتى كممثلة.. وبعد شوية ولما الشغل ابتدا يبان خوفت.. خوفت أوى وحسيت إنى مش هقدر على المجهود ده وبقيت أقوم من النوم خايفة ومخضوضة هعمل إيه؟! يمكن مش هقدر… طب أعتذر؟! بس دعيت ربنا يقوينى ويكون جنبي.. لسه مرعوبة من فكرة بذل المجهود البدنى والذهنى ده كل يوم.. بس بقول ربنا مش بيضيع تعب حد أبدًا».

مخرج عبقري

وأضافت داليا البحيري: «متشكرة يا محسن يا رزق، أنا بس عايزة أقولك إنك مش واخد حقك على كل المستويات.. إنت مخرج عبقرى ومعجون موهبة مش بس مخرج متمكن جدًا من أدواتك المسرحية كلها من ديكور لمزيكا لاستعراضات لإضاءة لصوت لإيقاع لإحساس لإدارة ممثل.. لا إنت كمان ممثل شاطر أوى وحساس جدا وعندك ضمير فى كل حاجة بتعملها… ميزانك من ألماظ… فاهم يعنى إيه إيقاع وتمپو وپاور وإحساس وأهم حاجة إن نمرة واحد عندك هو الجمهور… واحترامك ليهم طول الوقت هو هدفك الأوحد… أنا حقيقى بتعلم منك كل يوم».

واختتمت: «شكرا على تعبك معانا كلنا وعلى صبرك عليا وإنسانيتك مع كل الناس من الصغير للكبير، أخى وصديقى محسن رزق إنت فى حتة تانية».

أنا ونضال

وعن تجربة العمل مع نضال الشافعي.. قالت داليا: "من 10 سنين تقريبا كنا هنشتغل مع بعض أو بدأنا فعلا تصوير عمل وما اتكتبلوش أنه يكمل… وفى واحد من المشاهد وأنت بتمثل أنا نسيت إنى معاك فى المشهد وابتديت اتفرج عليك واتأثرت وزعلت جدا إن العمل ده مكملش".

وتابعت: "بس يشاء ربنا إننا نلتقى على خشبة المسرح القومي…أنا بجد محظوظة جدا جدا جدا إن إنت بطل الرواية… شكرا يا نضال إنك محابى عليا أنا مسنودة بيك يا صاحبي".

وأضافت: "أنت فعلا من أكبر مكاسبى فى المسرحية دي… بس والنبى خف إيدك فى الضرب شوية عشان أنت من كتر ما بتندمج فى الدور… أنا ازرقيت انتظروا غول التمثيل والسكر كله نضال الشافعي".

هناك فرق

وعن الفارق بين التمثيل للسينما والتليفزيون وبين الوقوف على خشبة المسرح.. قالت داليا: "الأداء على المسرح كان مرعبا بالنسبة لى خلال وقوفى لأول مرة على خشبة المسرح فى عرض "أبو العربي" مع النجم الجميل هانى رمزي، رغم أنى قدمت مسابقات ملكات جمال كمذيعة، لكن التقديم كمذيعة يختلف عن الأداء كممثلة على المسرح".

وتابعت: "فى الدراما أو السينما لديك فرصة تصحيح الخطأ، يعنى إذا عملت الشوت، ولم يعجبك أو يعجب المخرج تقدر تستغنى عنه، لكن لا يوجد فرصة فى المسرح تصلح الغلط، وفى نفس الوقت ستعرف رد فعل الجمهور فى نفس وقت العرض، أنا فى رأيى أن المسرح تجربة عظيمة لكن مرعبة".

وعن مدى استفادتها من تجربتها المسرحية الأولى وهى تتصدى للعمل فى عرض جديد ضخم وعلى خشبة أكبر وأعرق مسرح فى مصر.. أشادت داليا البحيرى بتجربة العمل مع النجم الكوميدى هانى رمزى، وقالت: "المسرح تجربة عملية حلوة أوى ومرعبة أوى، ممكن تقول إيفيه لجمهور ميضحكش وممكن تقول نفس الإيفيه لجمهور تانى ويضحك"، مؤكدة أن هانى رمزى ساعدها كثيرًا وأنها استفادت للغاية من تجربة العمل معه.

أضف تعليق

خلخلة الشعوب وإسقاط الدول "2"

#
مقال رئيس التحرير
محــــــــمد أمين
تسوق مع جوميا

الاكثر قراءة

إعلان آراك 2