قال المنتج محسن جابر خلال لقائه مع برنامج ET بالعربي: الذكاء الاصطناعي أعتقد أنه في الفترة الأولى هيبقى فوضى عارمة، لأنه لا بيقدم الإحساس والشعور ولا السلطنة، هيقدم الصوت وهنستفيد بيه في إيه؟ أنا بعتبره عبث وتفاهات لأنه ظهر على الساحة شوية أقزام وعايزين يعملوا أي حاجة للصدمة.
وأضاف جابر: صعب نلعب في أصوات الفنانين العمالقة، أم كلثوم كان ليها ستايل ومدرسة، ولا احنا هنلبسها شورت ونخليها تغني راب؟ الافتقار إلى العمل الجيد هو اللي مخليهم يعملوا أي كلام على الساحة علشان وسائل الإعلام تتسلط عليهم، واللعب في الأغاني المصرية مؤامرة بكل الأركان، واستعمال الذكاء الاصطناعي ده موقعة هوى.
وأكد المنتج محسن جابر، أنه ليس ضد فكرة الذكاء الاصطناعي، بينما يؤكد استحسان استخدامها، مُعلقًا: أنا مش معترض على الذكاء الاصطناعي بالعكس، بس لما نيجي نجرب مش هنجرب على صوت الناس كلها بتعشقه، و الذكاء الاصطناعي له إيجابيات أفضل من حالات العبث اللي بنشوفه.