أقيم الحفل الغنائي "ليلة الدموع" مساء أمس الخميس في جدة، وشهد الحفل مشاركة الفنان محمد جمعة.
ومزح محمد جمعة مع الجمهور قائلا: "كنت فاكر إني لوحدي، وعمال أقول كله رايح، اتضح إن كله رايح على جدة".
كما طالب الجمهور مازحا بعدم الضحك على كلمته قائلا: "دي ليلة دموع مش ضحك، اللي عايز يضحك يروح حفلة عمرو دياب".
وأضاف: "أخيرا هيئة الترفيه ومعالي المستشار حسوا بينا، عمالين يعملوا حفلات للفرح والفرح قليل في حياتنا، والحزن عاملين له ليلة واحدة، وما شاء الله جايبين ناس خزان أحزان، لكن للأسف مكملوش حزننا وجابوا أحمد سعد اللي بيغني إيه اليوم الحلو ده، وقائد أوركسترا اسمه هاني فرحات".
وتابع: "مش عايزكم تيأسوا، ولو حاجة راحت منك إوعى تزعل، ربنا يبعتلك أحسن منها وهتروح تاني علشان كله رايح".
ويشارك في حفل " ليلة الدموع نخبة من نجوم الطرب تضم حمادة هلال وأحمد سعد وتامر عاشور وهيثم شاكر وآدم وطارق الشيخ ومُسلم.