أكد حازم إمام، نجم نادي الزمالك السابق ونائب رئيس قطاع الناشئين الحالي، أن أحمد حسام ميدو وإسماعيل يوسف يعملان على قدم وساق من أجل تطوير قطاع الناشئين في النادي، مشيراً إلى أن ميدو تمكن لأول مرة من توفير معسكر لفرق الناشئين في النادي.
وقال إمام، في تصريحات تلفزيونية عبر قناة الزمالك: ”إحنا من صغرنا في نادي الزمالك ودورنا دلوقت إننا نقف جنب النادي في الظروف الصعبه اللي بيمر بيها”.
وأضاف: ”الفترة الأخيرة حصلت حاجات مكنتش بتحصل المرة اللي فاتت، الحاجات الطبيعية اللي المفروض تحصل زي اللبس والمعسكرات مكنتش بتحصل”.
وشدد:”الفرق كلها كانت طلعت معسكرات وإحنا لا، كابتن ميدو بجهود ذاتية قدر يوفر لينا معسكرا في إسماعيلية وعدم وجود معسكرات قبل كده كان بيأثر علينا في بداية الدوري”.
وتابع:”كان عندنا أمل إن الراجل السويسري يجي القطاع ونستفيد منه ولكن محصلش نصيب قدر الله وماشاء فعل”.
وأكد:”احنا مستفيدين بصوره كبيره جدا من كابتن ميدو لانه بيعمل محاضرات مستمرة وشغل على اعلى مستوى مكنش بيحصل ، انا من شهر واحد اللي فات مكنتش بشوف المدربين غير في التدريب أو الماتشات”.
وأضاف:”دلوقت لا بييجوا كابتن ميدو يدي محاضرات ، هو كان نفسه الراجل السويسري يعمل كده ولكن هو تطوع يعملها” .
وأتم:”احنا كنا محتاجين تدعيمات شويه وهنشوف مصطفى محمد تاني و ميدو تاني بس بشوية تدعيمات”.